Thibaut Courtois ថានៅ Real Madrid គ្មាននរណារំលឹងពី Ronaldo អីបន្តិច
5 ឆ្នាំ មុន
តាមប្រភព Goal បានឱ្យដឹងថា ការចាកចេញរបស់ Cristiano Ronaldo មានការប៉ះពាល់ដល់អារម្មណ៍របស់ Real Madrid តែគ្មានរណាម្នាក់និយាយគ្នាពីរឿងនេះឡើងនៅក្នុងបន្ទប់ផ្លាស់ប្តូរសម្លៀកបំពាក់ឡើយ…
តាមប្រភព Goal បានឱ្យដឹងថា ការចាកចេញរបស់ Cristiano Ronaldo មានការប៉ះពាល់ដល់អារម្មណ៍របស់ Real Madrid តែគ្មានរណាម្នាក់និយាយគ្នាពីរឿងនេះឡើងនៅក្នុងបន្ទប់ផ្លាស់ប្តូរសម្លៀកបំពាក់ឡើយ ។ នេះបើតាមសម្តីរបស់អ្នកចាំទី Thibaut Courtois ។
នៅដើមរដូវកាលនេះ Ronaldo បានចាកចេញពី Madrid ទៅកាន់ក្លិបសេះបង្កង់ Juventus កាលពីខែកក្កដា ។ អ្វីដែលសំខាន់គឹពេលនេះក្លិបអធិរាជស មិនទាន់អាចរកឃើញអ្នកជំនួសកៅអីរបស់ Ronaldo នៅឡើយទេ សម្រាប់រដូវកាលនេះ ។
ថ្វីបើ Courtois មកដល់ Madrid ក្រោយពេលចេញពី Chelsea មិនទាន់ពេល Ronaldo ចាកចេញក៏ដោយ កីឡាករប៊ែលហ្ស៊ិករូបនេះបានអះអាងថា គ្មាននរណាម្នាក់និយាយពី Ronaldo ឡើយ ។
Courtois និយាយប្រាប់កាសែត Het Nieuwsblad ថា ៖«គេ (Ronaldo) មិនត្រូវបាននរណានិយាយនៅក្នុងបន្ទប់ផ្លាស់ប្តូរសម្លៀកបំពាក់ឡើយ» ។
ជាមួយគ្នានេះដែរ Courtois បាននិយាយពីការចាកចេញរបស់ Ronaldo ថា ៖«ប្រសិនបើ Ronaldo ចាកចេញ ហើយគ្មាននរណាអាចជំនួសកន្លែងគេបាន អ្នកប្រាកដណាស់ថា ឆ្នាំនេះគឺជាឆ្នាំដ៏លំបាក ។ នេះគឺដូចជាដកយកគ្រាប់បាល់៥០គ្រាប់ចេញអ៊ីចឹង។ ពួកយើងនៅតែអាចដើរទៅមុខ។ ពួកយើងបានឈ្នះពាន Club World Cup ហើយនៅតែមានមុខនៅ Copa del Rey និង Champions League» ។
ជាចុងក្រោយ Courtois ថា បើទោះបីជាក្លិប Real Madrid នៅចាញ់គេ ១០ពិន្ទុក្នុង La Liga ក៏ដោយ ក៏មិនទាន់អស់សង្ឃឹមដែរ ព្រោះតែ Barcelona ពេលខ្លះក៏អាចឈ្នះនាទីចុងក្រោយដែរ ៕
ចែករំលែកព័តមាននេះ