ក្រុមអ្នកស្រាវជ្រាវរបស់សហរដ្ឋអាមេរិកបាននិយាយកាលពីថ្ងៃចន្ទសប្តាហ៍នេះថា បណ្តាស្ត្រីអស់រដូវដែលប្រើប្រាស់ថ្នាំបញ្ចុះឈាមចាប់ពី១០ឆ្នាំឡើងទៅ ប្រឈមទ្វេដងនឹងការកើតមហារីកដោះ ។ ការសិក្សាស្រាវជ្រាវដែលបានចុះផ្សាយក្នុងព្រឹត្តិបត្ររបស់សមាគមវេជ្ជសាស្ត្រអាមេរិកបានបញ្ជាក់ថា បណ្តាស្ត្រីដែលលេបសារធាតុទប់ស្កាត់ចលនាកាល់ស្យូម (CCB) ឬថ្នាំបញ្ចុះសម្ពាធឈាម ប្រឈមនឹងមហារីកដោះចាប់ពី២.៤ ទៅ២.៦ដងខ្ពស់ជាងស្ត្រីដែលមិនបានប្រើប្រាស់ថ្នាំនេះ ។
ឮលទ្ធផលខាងលើនេះកើតចេញពីការពិសោធលើបណ្តាស្ត្រីមួយចំនួននៅរដ្ឋវ៉ាស៊ីនតោនភាគខាងលិច ហើយដែលភាគច្រើននៃពួកគេមានអាយុចាប់ពី៥៥ឆ្នាំទៅ៧៤ឆ្នាំ ។ ជាលទ្ធផលក្រោយការពិសោធបង្ហាញថា ក្នុងចំនួននោះ ៨៨០នាក់កើតមហារីកបំពង់ទឹកដោះ ១.០២៧កើតមហារីកចុងនៃផ្នែកបំពង់ទឹកដោះ (Lobular Breast Cancer) ខណៈ៨៥៦នាក់ផ្សេងទៀតមានសុខភាពធម្មតា ។
អ្នកឯកទេសខាងរោគរាតត្បាតនៅសាកលវិទ្យាល័យ Boston University បានថ្លែងថា ៖ «ប្រសិនជាអត្រាប្រឈមកើនឡើង២ទៅ៣ដងដូចជាការរកឃើញក្នុងការសិក្សានេះមែន ដូច្នេះការប្រើប្រាស់ CCB រយៈពេលវែងនឹងក្លាយជាកត្តាប្រឈមមួយសម្រាប់មហារីកដោះ» ៕
ចែករំលែកព័តមាននេះ