តាម​ប្រភព​ព័ត៌មាន The Sun បានឱ្យ​ដឹង​ថា កីឡាករ​ជើង​ខ្លាំង​របស់​ក្លិប​សេះបង្កង់ Cristiano Ronaldo បាន​នាំ​សង្សារ​របស់​ខ្លួន Georgina Rodriguez ទៅ​មើល​កូនប្រុស​ច្បង​លេង​បាល់​ដែល​របៀប​លេង​មាន​លក្ខណៈ​ស្រ​ដៀង​ទៅ​នឹង Ronaldo ខ្លាំង ។

កូនប្រុស​របស់ Ronaldo ឈ្មោះ Cristiano Jnr មាន​លេខ​ដូច​ទៅ​នឹង​ឪពុក​ដែរ ពេល​ចូល​លេង​នៅ​ក្លិប Juve អាយុ​ក្រោម​៩​ឆ្នាំ ។ Ronaldo សប្បាយ​ចិត្តជា​ខ្លាំង ដោយ​បាន​ថតរូប​ជា​ច្រើន និង ផ្តល់​ហត្ថលេខា​ដល់​អ្នក​នៅ​ទីនោះ ខណៈ​ពេល​កំពុង​អង្គុយ​ទស្សនាការ​ប្រកួត ។

Ronaldo បាន​និយាយ​ថា​៖ «Cristiano Jnr មាន​ភាព​ប្រកួតប្រជែង​ណាស់ ។ គេ​ដូច​ជា​ខ្ញុំ​កាលពី​នៅ​ក្មេង​អ៊ីចឹង ។ គេ​មិន​ចូល​ចិត្តការ​ចាញ់​ឡើយ ហើយ​គេ​នឹង​ក្លាយទៅជា​ដូច​ខ្ញុំ ។ ខ្ញុំ​ជឿជាក់​បែប​នេះ​១០០%​។ ខ្ញុំ​សប្បាយ​នឹង​បង្រៀន​គេ​ពី​ការ​ស៊ុត​ខ្លះ តែ​គេ​អាច​ជ្រើសរើស​យក​អ្វី​ផ្សេង​ក៏​បាន ខ្ញុំ​នឹង​នៅ​ចាំ​គាំទ្រ​គេ​រហូត​» ។

Cristiano Jnr តាំងពី​ចូល​លេង​បាន​ដំបូង​មក រក​គ្រាប់​បាល់​បាន​៤​គ្រាប់ ហើយ​នៅ​ពេល​នេះ​គេ​កំពុង​តែ​លេង​នៅ​ក្លិប​ជាមួយនឹង​កូន​ៗ​របស់ Andrea Barzagli និង Claudio Marchisio ។ កាលពី​ដើមរដូវ​កាល Ronaldo បាន​បង្ហើប​ថា គេ​គ្មាន​ចូល​ចិត្ត​អ្វី​ក្រៅពី​ឃើញ កូនប្រុស​របស់​ខ្លួន​ក្លាយទៅជា​កីឡាករ​បាល់ទាត់​អាជីព​នោះ​ទេ ៕