ករណីមនុស្សឃាតមួយកើតឡើងក្នុងស្រុកព្រៃនប់
- ព្រះសីហនុ
ខេត្តព្រះសីហនុ ៖ លោកវរសេនីយ៍ទោ ហួរ យ៉ៃ អធិការនគរបាលស្រុកបានអោយដឹងថា កាលពីវេលាម៉ោង១១និង៣០នាទីព្រឹកថ្ងៃទី២៩ មករា ២០១៩ ស្ថិតក្នុងភូមិទួល…
ខេត្តព្រះសីហនុ ៖ លោកវរសេនីយ៍ទោ ហួរ យ៉ៃ អធិការនគរបាលស្រុកបានអោយដឹងថា កាលពីវេលាម៉ោង១១និង៣០នាទីព្រឹកថ្ងៃទី២៩ មករា ២០១៩ ស្ថិតក្នុងភូមិទួល ឃុំទឹកល្អក់ ស្រុកព្រៃនប់ ខេត្តព្រះសីហនុ មានករណីមនុស្សឃាតមួយបានកើតឡើង ដែលបង្កដោយជនសង្ស័យចំនួន២នាក់បានធ្វើសកម្មភាពជិះម៉ូតូដេញវាយ និងយកជំពាមកៅស៊ូគំរាមបាញ់ទៅលើជនរងគ្រោះចំនួន២នាក់ដែលកំពុងបើកបរម៉ូតូតាមផ្លូវ ធ្វើជនរងគ្រោះមានការភិតភ័យបានបើកបរម៉ូតូជ្រុលទៅបុកម៉ូតូសណ្តោងរ៉ឺម៉កមួយគ្រឿង បណ្តាលអោយស្លាប់ម្នាក់ និងរបួសធ្ងន់ម្នាក់ ។
ជនសង្ស័យចំនួន២នាក់ខាងលើ ម្នាក់ឈ្មោះ ធឿន សុវណ្ណរ័ត្ន ភេទប្រុស អាយុ១៦ឆ្នាំ មុខរបរកម្មករសំណង មានទីលំនៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ (ជាអ្នកបើកបរម៉ូតូ) និងម្នាក់ទៀតជាអ្នករួមដំណើរឈ្មោះ ញ៉ែម ញៀន ភេទប្រុស អាយុ១៧ឆ្នាំ មុខរបរកម្មករ មានទីលំនៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ ។
ចំណែកជនរងគ្រោះទាំង២នាក់ខាងលើ ម្នាក់ឈ្មោះ ផេង ចិត្រា ភេទប្រុស អាយុ១៨ឆ្នាំ មុខរបរសិស្ស មានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ (ជាអ្នកបើកបរម៉ូតូ បានស្លាប់) និងម្នាក់ទៀតជាអ្នករួមដំណើរដែលរងរបួសធ្ងន់ឈ្មោះ ធន កន ភេទប្រុស អាយុ១៨ឆ្នាំ មុខរបរសិស្ស មានលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ ។
បច្ចុប្បន្ន ជនសង្ស័យទាំង២នាក់ខាងលើត្រូវបានសមត្ថកិច្ចធ្វើការឃាត់ខ្លួន និងកសាងសំណុំរឿងចាត់ការតាមនីតិវិធី៕
គួររំលឹកថា យុវសិស្សម្នាក់ជួបគ្រោះយ៉ាងរន្ធត់លើផ្លូវជាតិលេខ៣
ចែករំលែកព័តមាននេះ