ខេត្តព្រះសីហនុ ៖ មនុស្ស៤នាក់បានរងរបួសធ្ងន់ និងមធ្យម ក្នុងករណីគ្រោះថ្នាក់ចរាចរណ៍មួយកើតឡើងរវាងរថយន្តដឹកកុងទីន័រ បុកបះរថយន្តដឹកដែកក្នុងទិសដៅផ្ទុយគ្នា ។ ហេតុការណ៍ខាងលើបានកើតមានឡើងនៅវេលាម៉ោង០៥:៣០នាទី ព្រឹកព្រឹមថ្ងៃទី១១ ធ្នូ…
ខេត្តព្រះសីហនុ ៖ មនុស្ស៤នាក់បានរងរបួសធ្ងន់ និងមធ្យម ក្នុងករណីគ្រោះថ្នាក់ចរាចរណ៍មួយកើតឡើងរវាងរថយន្តដឹកកុងទីន័រ បុកបះរថយន្តដឹកដែកក្នុងទិសដៅផ្ទុយគ្នា ។
ហេតុការណ៍ខាងលើបានកើតមានឡើងនៅវេលាម៉ោង០៥:៣០នាទី ព្រឹកព្រឹមថ្ងៃទី១១ ធ្នូ ឆ្នាំ២០២៥ លើដងផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៨៩-១៩០ ស្ថិតក្នុងភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ ។
តាមសមត្តកិច្ចបានឲដឹងថា ករណីគ្រោះថ្នាក់ចរាចរណ៍មួយកើតឡើងនេះ បង្កដោយរថយន្ដ ០១គ្រឿងម៉ាក NISSAN DIESEL ពណ៌លឿង ពាក់ផ្លាកលេខ ភ្នំពេញ 3A-7606 និងសឺមីរ៉ឺម៉ក ពាក់ផ្លាកលេខ ភ្នំពេញ 4A-4653 ដែលមានទិសដៅពីរាជធានីភ្នំពេញ ឆ្ពោះទៅ ខេត្តព្រះសីហនុ បើកបរដោយឈ្មោះ ឌី ទិត្យ ភេទប្រុស អាយុ៤៦ឆ្នាំ មុខរបរបើកបររថយន្ដមានទីលំនៅភូមិតាពូង សង្កាត់ស្នោ ខណ្ឌកំបូល រាជធានីភ្នំពេញ ។
លុះមកដល់ចំណុចខាងលើ ស្ថានភាពផ្លូវកោង បានឡើងវ៉ាជែង ខណៈពេលនោះមានរថយន្ដ ០១គ្រឿងម៉ាក HYUNDAI ពណ៌ស ពាក់ផ្លាកលេខ កណ្ដាល 3A-3857 ដែលមានទិសដៅផ្ទុយគ្នា បើកបរដោយឈ្មោះ ណាំ ភេទប្រុស អាយុ៣៤ឆ្នាំ មុខរបរបើកបររថយន្ដ មានទីលំនៅភូមិត្រពាំងកោះ ស្រុកឈូក ខេត្តកំពត និងអ្នករួមដំណើរចំនួន០២នាក់៖
១.ឈ្មោះ មាស ចន្ថា ភេទប្រុស អាយុ៦២ឆ្នាំ មានទីលំនៅភូមិតាឡី សង្កាត់ដង្កោ ខណ្ឌដង្កោ រាចធានីភ្នំពេញ ។
២.ឈ្មោះ ស្រី និត ភេទស្រី អាយុ៣០ឆ្នាំ មានទីលំនៅរាជធានីភ្នំពេញ បានបុកចំពីមុខពេញទំហឹងតែម្ដង ។
ករណីគ្រោះថ្នាក់ចរាចរណ៍ខាងលើនេះបណ្ដាលឲ្យមានមនុស្សរងរបួសចំនួន០៤នាក់៖
១. ឈ្មោះ ឌី ទិត្យ ភេទប្រុស អ្នកបើកបររថយន្ដ NISSAN DIESEL (រងរបួសធ្ងន់)
២. ឈ្មោះ ណាំ ភេទប្រុស អ្នកបើកបររថយន្ដ HYUNDAI (រងរបួសមធ្យម)
៣.ឈ្មោះ មាស ចន្ថា ភេទប្រុស អ្នករួមដំណើររថយន្ដ HYUNDAI (រងរបួសធ្ងន់)
៤.ឈ្មោះ ស្រី និត ភេទស្រី អ្នករួមដំណើររថយន្ដ HYUNDAI (រងរបួសមធ្យម) ។
បច្ចុប្បន្ន ជនរងគ្រោះបានបញ្ចូនទៅសម្រាកព្យាបាលនៅគ្លីនិចឯកជនមួយកន្លែង ក្នុងឃុំសំរុង និងគ្លីនិចឯកជន មួយកន្លែងទៀត ក្នុងឃុំវាលរេញ រីឯវត្ថុតាង (រថយន្ដ) បានយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកព្រៃនប់ ៕
ចែករំលែកព័តមាននេះ