នៅ​បារាំង​ក្រៅពី​ពួក​អាវកាក់​លឿង​លេច​ពួក​កន្សែង​ក្រហម


ប្រទេស​បារាំង ៖ យោង​តាម​ប៉ូលិស​ក្រុង​ប៉ា​រី​ថា ពួក​កន្សែង​ក្រហម​ដល់​ទៅ​ប្រមាណ​ជា​១០.៥០០​នាក់ កាលពី​ថ្ងៃ​ទី​២៧​មក​រា​បាន​លើកគ្នា​ធ្វើ​បាតុកម្ម នៅ​តាម​ដង​វិ​ថី​នានា នៃ​រដ្ឋធានី​បារាំង​។ ពួក​គេ​ចង់​ការពារ​លទ្ធិប្រជាធិបតេយ្យ និង​បណ្ដា​ស្ថាប័ន ហើយ​បរិហារ​អំពើ​ហិង្សា​ដែល​កត់សម្គាល់​ឃើញ នា​ឱកាស​នៃ​បាតុកម្ម​របស់​ពួក​អាវកាក់​លឿង​។

ចាក​ចេញពី​ទីលាន​ប្រជាជាតិ នា​វេលា​ម៉ោង​១៤​ម៉ោង​នៅ​ក្រុងប៉ារីស ពួក​បាតុករ​បាន​ស្រែក​ពាក្យ​គាំទ្រ​លទ្ធិប្រជាធិបតេយ្យ និង​បដិសេធ​បដិវត្តន៍​។ បាតុករ​មួយ​ចំនួន​ពាក់​អាវយឺត​ដែល​ចារ​ពាក្យ​ថា ខ្ញុំ​ស្រឡាញ់​សាធារណរដ្ឋ​ខ្ញុំ​និង​បញ្ឈប់​អំពើ​ហិង្សា​។ ក្រោយ​ដើរ​ហែ​ក្បួន​រយៈពេល​ជាង​២​ម៉ោង ពួក​បាតុករ​បាន​មក​ដល់ទី​លាន BASTILLE​។

កាលពី​ថ្ងៃ​សៅរ៍​ទី​២៦​មក​រា​ពួក​អាវកាក់​លឿង​បារាំង បាន​បន្ត​ធ្វើ​បាតុកម្ម​ទៀត នៅ​តាម​ទីក្រុង​ជា​ច្រើន​របស់​ប្រទេស​។ ក្រសួងមហាផ្ទៃ​បារាំង​និយាយ​ថា នា​ថ្ងៃ​នោះ​មាន​បាតុករ​អាវកាក់​លឿង​ប្រមាណ​ជា​២២.០០០​នាក់​ក្នុង​ប្រទេស ក្នុង​នោះ​២៥០០​នាក់​នៅ​ក្រុងប៉ារីស​។ កាលពី​ថ្ងៃ​សៅរ៍​ស​ប្ដា​ហ៍​មុន បាតុកម្ម​របស់​ពួក​អាវកាក់​លឿង​នៅ​ក្រុងប៉ារីស មាន​មនុស្ស​ចូលរួម​ប្រមាណ​ជា​៧០០០​នាក់ ទល់​នឹង​ថ្ងៃ​សៅរ៍​មុន​នេះ​មាន​បាតុករ​៨០០០​នាក់់​។

សម្រាប់​ថ្ងៃ​សៅរ៍​ទី​១១​នៃ​សកម្មភាព​របស់​ពួក​អាវកាក់​លឿង មានការ​ប៉ះទង្គិច​គ្នា​នានា​ជាមួយ​កងកម្លាំង​ប៉ូលិស​។ ប៉ូលិស​បាន​បាញ់​ឧស្ម័ន​បង្ហូរទឹកភ្នែក ហើយ​រថយន្ត​៤​គ្រឿង​ត្រូវ​ដុត​បំផ្លាញ​៕

Facebook Google Twitter Email

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ