ប្រទេសហ្វ៊ីលីពីន ៖ នៅប្រទេសហ្វ៊ីលីពីននាព្រឹកថ្ងៃទី២៧មករា មានការវាយប្រហារភេរវកម្ម បំផ្ទុះគ្រាប់បែក២ប្រឆាំងព្រះវិហារគ្រឹស្តមួយនាភាគខាងត្បូងប្រទេស បណ្ដាលឲ្យមនុស្សស្លាប់យ៉ាងតិច២៧នាក់ ហើយមនុស្សជាង៦០នាក់ទៀតរងរបួស ក្នុងនោះ២០នាក់ជាទាហាន។ ការផ្ទុះលើកទីមួយកើតមានពេលកំពុងសូត្រធម៌ ហើយការផ្ទុះមួយទៀតកើតមាននៅកន្លែងចតរថយន្តដែលនៅក្បែរ…
ប្រទេសហ្វ៊ីលីពីន ៖ នៅប្រទេសហ្វ៊ីលីពីននាព្រឹកថ្ងៃទី២៧មករា មានការវាយប្រហារភេរវកម្ម បំផ្ទុះគ្រាប់បែក២ប្រឆាំងព្រះវិហារគ្រឹស្តមួយនាភាគខាងត្បូងប្រទេស បណ្ដាលឲ្យមនុស្សស្លាប់យ៉ាងតិច២៧នាក់ ហើយមនុស្សជាង៦០នាក់ទៀតរងរបួស ក្នុងនោះ២០នាក់ជាទាហាន។
ការផ្ទុះលើកទីមួយកើតមានពេលកំពុងសូត្រធម៌ ហើយការផ្ទុះមួយទៀតកើតមាននៅកន្លែងចតរថយន្តដែលនៅក្បែរ ពេលកងកម្លាំងសន្តិសុខលើកមកដល់។ ការវាយប្រហារនោះកើតមាននៅកោះហ្សូឡូ ក្នុងខេត្តស៊ូលូមានទីតាំងរបស់អង្គការអ៊ិស្លាមនិយមក្រុមអាប៊ូសៃយ៉ាវ។
ការផ្ទុះទាំងនេះកើតមានប៉ុន្មានថ្ងៃប៉ុណ្ណោះក្រោយការបោះប្រជាមតិលើការបង្កើតតំបន់ស្វយ័តមួយក្នុងក្របខណ្ឌនៃដំណើរការសន្តិភាពជាមួយពួកបះបោរអ៊ិស្លាម៕
ចែករំលែកព័តមាននេះ