ប្រទេសចិន ៖ លោកជេកម៉ាស្ថាបនិកក្រុមហ៊ុនអីុនធើរណែតចិន ALIBABA អះអាងកាលពីថ្ងៃទី២៤មករាថា សង្គ្រាមលោកលើកទី៣អាចផ្ទុះឡើង នាពេលអនាគតដ៏ឆាប់មកពីបដិវត្តន៍បច្ចេកវិទ្យាបច្ចុប្បន្ន។ នាឱកាសនៃកិច្ចពិភាក្សាមួយដែលលោកចូលរួមដែរ នៅឯវេទិកាសេដ្ឋកិច្ចពិភពលោកក្រុងDAVOS មហាសេដ្ឋីជេកម៉ាគូសបញ្ជាក់ថា…
ប្រទេសចិន ៖ លោកជេកម៉ាស្ថាបនិកក្រុមហ៊ុនអីុនធើរណែតចិន ALIBABA អះអាងកាលពីថ្ងៃទី២៤មករាថា សង្គ្រាមលោកលើកទី៣អាចផ្ទុះឡើង នាពេលអនាគតដ៏ឆាប់មកពីបដិវត្តន៍បច្ចេកវិទ្យាបច្ចុប្បន្ន។ នាឱកាសនៃកិច្ចពិភាក្សាមួយដែលលោកចូលរួមដែរ នៅឯវេទិកាសេដ្ឋកិច្ចពិភពលោកក្រុងDAVOS មហាសេដ្ឋីជេកម៉ាគូសបញ្ជាក់ថា សង្គ្រាមលោកលើកទី១បណ្ដាលមកពីបដិវត្តន៍បច្ចេកវិទ្យាលើកដំបូង។
ចំណែកបដិវត្តន៍បច្ចេកវិទ្យាលើកទី២ បណ្ដាលឲ្យមានសង្គ្រាមលោកលើកទី២។ បច្ចុប្បន្នកំពុងមានបដិវត្តន៍បច្ចេកវិទ្យាលើកទី៣។ លោកបន្តថាប្រសិនបើវាផ្ទុះឡើង សង្គ្រាមលោកលើកទី៣ នឹងបង្កឲ្យមានជំងឹផ្សេងៗ កាលបំពុលនិងភាពក្រីក្រ ហើយពុំមែនអាយុជីវិតមនុស្សច្រើនឡើយ។ ប៉ុន្តែនាពេលបច្ចុប្បន្ន បណ្ដារ៉ូបូនិងបច្ចេកវិទ្យានានា តំណាងឲ្យគ្រោះថ្នាក់មួយសម្រាប់មនុស្សជាតិ ដោយវានឹងលុបបំបាត់ការងារជាច្រើន។ បញ្ញាសប្បនិមិត្ត និងបណ្ដាមេហ្គាទិន្នន័យតំណាងឲ្យការគំរាមកំហែងមួយសម្រាប់មនុស្សជាតិ។ បញ្ញាសិប្បនិមិត្តនិងរ៉ូបូនឹងបំផ្លាញការងារជាច្រើន ដែលនាពេលអនាគតនឹងត្រូវជំនួសដោយគ្រឿងម៉ាស៊ីន។
កាលពី២ឆ្នាំមុន មហាសេដ្ឋីរូបនោះធ្លាប់គូសបញ្ជាក់ថា បដិវត្តន៍រ៉ូបូនិងបញ្ញាសិប្បនិមិត្ត នឹងធ្វើឲ្យសង្គមច្របូកច្របល់ហើយនឹងនាំឲ្យមានការបែងចែកឡើងវិញ ភូមិសាស្ត្រនយោបាយនៃអំណាច។ ម្យ៉ាងវិញទៀតលោកទទួលស្គាល់ថា ខ្លួនលោកផ្ទាល់បច្ចុប្បន្នពុំមានអ្នកជំនាញការសម្រាប់អនាគតឡើយ មានតែពួកអ្នកជំនាញការនៃអតីតកាល។
លោកជេកម៉ាពុំមែនជាមហាសេដ្ឋីតែម្នាក់គត់ដែលសម្ដែងការភ័យខ្លាចបែបនោះឡើយ។ស្ថាបនិករបស់ក្រុមហ៊ុនTESLA លោកELON MUSKក៏ធ្លាប់ធ្វើការព្យាករណ៍ប្រហាក់ប្រហែលគ្នានោះដែរ ចំពោះការរីកចម្រើនយ៉ាងឆាប់នៃបញ្ញាសិប្បនិមិត្តលើពិភពលោក។
លោកជេកម៉ាយល់ថាមានតែការជម្រុញគំនិតស្ថាបនារបស់បណ្ដាកុមារទេ ដែលជាមធ្យោបាយតែមួយគត់ ក្នុងការប្រជែងជាមួយបច្ចេកវិទ្យា។ យើងត្រូវបង្រៀនកុមារឲ្យកាន់តែមានគំនិតស្ថាបនា ហើយធ្វើនូវអ្វីៗដែលម៉ាសីុនពុំអាចធ្វើកើត។ លោកថាគ្រឿងម៉ាសីុនមានចៃ PUCESប៉ុន្តែមនុស្សមានបេះដូង។ ការអប់រំត្រូវតែធ្វើក្នុងទិសដៅនោះ។
ជាមួយទ្រព្យសម្បត្តិដែលតាមទស្សនាវដ្ដី FORBESថា មានប្រមាណជាជាង៣៥ពាន់លានដុល្លារ លោកជេកម៉ាគ្រោងចាកចេញពីតំណែងនាយកប្រតិបត្តិ របស់ក្រុមហ៊ុនALIBABA នាខែកញ្ញាខាងមុខដើម្បីងាកទៅចាប់អាជីពមុនរបស់លោកជាគ្រូបង្រៀនវិញ៕
ចែករំលែកព័តមាននេះ