អ្នកវិទ្យាសាស្ត្ររបស់រុស្ស៊ីបានរកឃើញគន្លងរបស់ផ្កាយព្រះគ្រោះតូច «Apophis 99942» ដែលមានហានិភ័យមកលើផែនដី ដោយខ្សែគន្លងនឹងរំកិលមកប្រឆិតលើផែនដី និងធ្លាប់មានដំណឹងដ៏លេចធ្លោមួយកាលពីជាង១០ឆ្នាំមុនថាវាអាចបុកផែនដីក្នុងឆ្នាំ២.០២៩ ។ ផ្កាយព្រះគ្រោះតូចនេះមានទំហំប៉ុនទីលានប្រកួតបាល់ទាត់ចំនួន៣កន្លះ រកឃើញជាលើកដំបូងកាលពីឆ្នាំ២.០០៤ ។…
អ្នកវិទ្យាសាស្ត្ររបស់រុស្ស៊ីបានរកឃើញគន្លងរបស់ផ្កាយព្រះគ្រោះតូច «Apophis 99942» ដែលមានហានិភ័យមកលើផែនដី ដោយខ្សែគន្លងនឹងរំកិលមកប្រឆិតលើផែនដី និងធ្លាប់មានដំណឹងដ៏លេចធ្លោមួយកាលពីជាង១០ឆ្នាំមុនថាវាអាចបុកផែនដីក្នុងឆ្នាំ២.០២៩ ។
ផ្កាយព្រះគ្រោះតូចនេះមានទំហំប៉ុនទីលានប្រកួតបាល់ទាត់ចំនួន៣កន្លះ រកឃើញជាលើកដំបូងកាលពីឆ្នាំ២.០០៤ ។ អង្គការអវកាស«ណាសា» (NASA) ចាត់ទុកថាផ្កាយព្រះគ្រោះនេះមាននិន្នាការប្រឈមមុខគំរាមកំហែងមកលើផែនដី ព្រោះក្នុងរយៈពេល១០ឆ្នាំខាងមុខ នៅថ្ងៃទី១៣ មេសា២០២៩ «Apophis 99942» នឹងកាត់មកផែនដី និងឋានព្រះចន្ទក្នុងរយៈចម្ងាយ៣១.៣០០គីឡូម៉ែត្រ ប៉ុន្តែមានការវិភាគថាវាមិនបង្កគ្រោះថ្នាក់មកលើផែនដីទេ ។
បណ្ដាអ្នកវិទ្យាសាស្ត្រ និងអ្នកស្រាវជ្រាវពីមហាវិទ្យាល័យ«Saint Petersburg» របស់រុស្សុីបានរកឃើញថា ក្រោយពីផ្កាយព្រះគ្រោះរំកិលកាត់ផែនដី និងឋានព្រចន្ទ នៅក្នុងឆ្នាំ២០២៩ វាក៏គោចរមកវិញអាចជាគោលដៅមកគៀកផែនដី និព្រះច័ន្ទ ។
អ្នកវិទ្យាសាស្ត្របង្ហាញថាក្រោយពីឆ្នាំ២០២៩ ផ្កាយព្រះគ្រោះនឹងមកកៀកផែនដី ប៉ុន្តែតាមទិន្នន័យបង្ហាញថានៅក្នុងឆ្នាំ២០៦៨ ឬប្រហែល៥០ឆ្នាំខាងមុខ នឹងមកកៀកផែនដីមួយលើកទៀត ហាក់ដូចជាគ្រោះថ្នាក់ជាងឆ្នាំ២០២៩ ។ តាមក្បួននៃការទស្សន៍ទាយបែបបុរាណរបស់អេហ្ស៊ីប ក្រោយពីមកកៀកកផែនដីនៅឆ្នាំ២០២៩ខាងមុខ វាក៏ត្រឡប់មកជាថ្មីនៅឆ្នាំ២០៣៦ ,២០៤៤ ,២០៥១ ,២០៦០ និង២០៦៨ ។
បច្ចុប្បន្នអ្នកវិទ្យាសាស្ត្រកំពុងតាមដានយ៉ាងដិតដល់ ព្រោះវាអាចបង្កគ្រោះថ្នាក់ដល់ផែនដីក្នុងពេលអនាគតដ៏ខ្លីនេះ ៕
ចែករំលែកព័តមាននេះ