ខេត្តព្រះសីហនុ ៖ តាមរបាយការណ៍ពីនគរបាលបានឱ្យដឹងថា មានករណីគ្រោះថ្នាក់ចរាចរមួយកើតឡើងរវាងម៉ូតូមួយគ្រឿងបុកគ្នាជាមួយរថយន្តមួយគ្រឿងក្នុងទិសដៅផ្ទុយគ្នា បណ្តាលឱ្យអ្នកបើកបរម៉ូតូស្លាប់នៅកន្លែងកើតហេតុ ។ ហេតុការណ៍នេះបានកើតឡើងកាលពីវេលា១១និង២០នាទីថ្ងៃត្រង់ថ្ងៃទី២២ មករា ២០១៩ តាមបណ្តោយផ្លូវជាតិលេខ៤…
ខេត្តព្រះសីហនុ ៖ តាមរបាយការណ៍ពីនគរបាលបានឱ្យដឹងថា មានករណីគ្រោះថ្នាក់ចរាចរមួយកើតឡើងរវាងម៉ូតូមួយគ្រឿងបុកគ្នាជាមួយរថយន្តមួយគ្រឿងក្នុងទិសដៅផ្ទុយគ្នា បណ្តាលឱ្យអ្នកបើកបរម៉ូតូស្លាប់នៅកន្លែងកើតហេតុ ។
ហេតុការណ៍នេះបានកើតឡើងកាលពីវេលា១១និង២០នាទីថ្ងៃត្រង់ថ្ងៃទី២២ មករា ២០១៩ តាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៨៧-១៨៨ ស្ថិតក្នុងភូមិអណ្តូងថ្ម ឃុំអណ្តូងថ្ម ស្រុកព្រៃនប់ ខេត្តព្រះសីហនុ ។
ភាគីខាងម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ផ្លាកលេខ ព្រះសីហនុ ១E-០៦៨៨ បើកបរដោយឈ្មោះ ម៉ាត់ ណូត ភេទប្រុស អាយុ៥២ឆ្នាំ មុខរបរដឹកត្រីលក់ មានទីលំនៅភូមិទួលទទឹង២ ឃុំទួលទទឹង ស្រុកព្រៃនប់ ខេត្តព្រះសីហនុ បានស្លាប់នៅកន្លែងកើតហេតុ ។
ចំណែកភាគីខាងរថយន្តមួយគ្រឿងម៉ាកហ៊ីណូ ពណ៌ត្រួយចេក ពាក់ផ្លាកលេខ ព្រះសីហនុ ៣A-០៤៧៣ បើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ស្រមោល ។
ប្រភពព័ត៌មានបានឱ្យដឹងថា មុនកើតហេតុ គេឃើញបុរសម្នាក់បើកបរម៉ូតូមួយគ្រឿងធ្វើដំណើរក្នុងទិសដៅពីខេត្តព្រះសីហនុទៅភ្នំពេញ លុះមកដល់ចំណុចខាងលើបានរេចង្កូតមកខាងឆ្វេងដៃក៏ទៅបុករថយន្តមួយគ្រឿងម៉ាកហ៊ីណូ ដែលមានទិសដៅផ្ទុយគ្នា បណ្ដាលអោយអ្នកបើកបរម៉ូតូស្លាប់នៅនឹងកន្លែងកើតហេតុ ។ បន្ទាប់ពីកើតហេតុ អ្នកបើកបររថយន្តបានរត់គេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុ ។
បច្ចុប្បន្ន សពជនរងគ្រោះត្រូវបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី រីឯរថយន្ត និងម៉ូតូ ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកព្រៃនប់៕
ចែករំលែកព័តមាននេះ