ADផ្ទាំងផ្សព្វផ្សាយពាណិជ្ជកម្ម

Picture

ឡាន​​បែន​ដឹក​ដី ដឹក​ធ្ងន់​ពេក​ផ្ទុះ​បែក​កង់​ក្រឡាប់​​ធ្វើ​ឱ្យ​​ស្ទះចរាចរណ៍​លើ​ស្ពាន​រាប់​​ម៉ោង

8 ម៉ោង មុន
  • កណ្តាល

ខេត្តព្រៃវែង ៖ រថយន្ត​តូច​ធំ​រាប់​សិបគ្រឿង​បាន​កកស្ទះ​រាប់​ម៉ោង​​នៅ​លើ​ស្ពាន​អ្នក​លឿង ដោយសារ​តែ​មាន​រថយន្ត​បែន​ដឹក​ដី​មួយ​គ្រឿង​បាន​ក្រឡាប់​នៅ​កណ្ដាលផ្លូវ​ ។ ហេតុការណ៍​នេះ បាន​កើតឡើង​កាលពី​វេលា​ម៉ោង០៨ព្រឹក​ថ្ងៃ​ទី០៤ តុលា នៅ​ចំណុច​គល់​ស្ពាន​អ្នក​លឿង​ត្រើយ​ខាងលិច ​​ស្ថិត​នៅ​ក្នុង​ឃុំ​កំពង់​ភ្នំ…

ខេត្តព្រៃវែង ៖ រថយន្ត​តូច​ធំ​រាប់​សិបគ្រឿង​បាន​កកស្ទះ​រាប់​ម៉ោង​​នៅ​លើ​ស្ពាន​អ្នក​លឿង ដោយសារ​តែ​មាន​រថយន្ត​បែន​ដឹក​ដី​មួយ​គ្រឿង​បាន​ក្រឡាប់​នៅ​កណ្ដាលផ្លូវ​ ។ ហេតុការណ៍​នេះ បាន​កើតឡើង​កាលពី​វេលា​ម៉ោង០៨ព្រឹក​ថ្ងៃ​ទី០៤ តុលា នៅ​ចំណុច​គល់​ស្ពាន​អ្នក​លឿង​ត្រើយ​ខាងលិច ​​ស្ថិត​នៅ​ក្នុង​ឃុំ​កំពង់​ភ្នំ ស្រុក​លើក​ដែក ខេត្តកណ្ដាល​ ។

សមត្ថកិច្ច​ដែល​កំពុង​ជួយ​សម្រួល​ចរាចរណ៍​នៅ​លើ​ស្ពាន​អ្នក​លឿង​ជា​កន្លែង​កើតហេតុ បាន​ឱ្យ​​ដឹង​ថា រថយន្ត​បែន​ដែល​ក្រឡាប់​នេះ​ ពាក់​ស្លា​លេខ ភ្នំពេញ 3D 1765 ដឹក​ខ្សាច់​ភ្នំ​ មក​ពី​ភ្នំ​ឈើ​កាច់ គោលដៅ​ទៅ​ស្រុក​លើក​ដែក ។ តែ​ពេល​មក​ដល់​ចំណុច​កើតហេតុ រថយន្ត​បាន​ផ្ទុះ​បែក​កង់​ក្រោយ​ផ្នែក​ខាងឆ្វេង ទើប​ធ្វើ​ឲ្យ​រថយន្ត​ក្រឡាប់​ដេក​នៅ​កណ្ដាលផ្លូវ​តែ​ម្ដង​។

គ្រោះថ្នាក់​ចរាចរណ៍​នេះ ពុំ​បាន​បណ្ដាល​ឲ្យ​អ្នកដំណើរ​ណា​ម្នាក់​រងគ្រោះថ្នាក់​នោះ​ទេ ប៉ុន្តែ​អ្នកបើកបរ​រថយន្ត​បែន​ខាងលើ​បាន​រង​របួសស្រាល​ ។ ក្រោយ​ពី​កើតហេតុ​ភ្លាម សមត្ថកិច្ច​នគរបាល​ស្រុក​លើក​ដែក​បាន​ចុះ​មក​ជួយ​អន្តរាគមន៍​សម្រួល​ចរាចរណ៍​ភ្លាម​ៗ ។

តែ​ទោះជា​បែប​នេះ​ក្តី​ ដោយសារ​តែ​រថយន្ត​ឆ្លងកាត់​លើ​ស្ពាន​អ្នក​លឿង​នេះ​​ច្រើន​ពេក ហើយ​រថយន្ត​ដែល​ក្រឡាប់​យក​ចេញ​ពីលើ​ស្ពាន​មិន​ងាយ​បាន ទើប​ធ្វើ​អោយ​រថយន្ត​តូច​ធំ ត្រូវ​កកស្ទះ​បន្តកន្ទុយ​គ្នា​រាប់​គីឡូ​ដី​ក្នុង​រយៈពេល​ជា​ច្រើន​ម៉ោង ហើយ​គិត​ត្រឹម​ម៉ោង១១ជាង​ថ្ងៃត្រង់​ថ្ងៃ​ដដែលនេះ ការ​កកស្ទះ​នៅ​លើ​ស្ពាន​អ្នក​លឿង​នៅ​មិន​ទាន់​បាន​ធូរស្រាល​នៅឡើយ​ទេ​ ។

អត្ថបទសរសេរ ដោយ

កែសម្រួលដោយ