ខេត្តកំពង់ឆ្នាំង មនុស្សម្នាក់បានស្លាប់ និងម្នាក់ទៀតបានរងរបួសជាទម្ងន់ ក្នុងហេតុការណ៍គ្រោះថ្នាក់ចរាចរណ៍ដាច់ដោយឡែកពីគ្នា ក្នុងថ្ងៃតែមួយ កើតឡើងនៅក្នុងស្រុករលាប្អៀរ នាថ្ងៃទី 23 ខែមីនាឆ្នាំ 2026…
ខេត្តកំពង់ឆ្នាំង មនុស្សម្នាក់បានស្លាប់ និងម្នាក់ទៀតបានរងរបួសជាទម្ងន់ ក្នុងហេតុការណ៍គ្រោះថ្នាក់ចរាចរណ៍ដាច់ដោយឡែកពីគ្នា ក្នុងថ្ងៃតែមួយ កើតឡើងនៅក្នុងស្រុករលាប្អៀរ នាថ្ងៃទី 23 ខែមីនាឆ្នាំ 2026 នៅលើកំណាត់ផ្លូវជាតិលេខ 5 ។ស
បើតាមការបញ្ជាក់របស់មន្ត្រីនគរបាលស្រុករលាប្អៀរ បានឱ្យដឹងថា ករណីគ្រោះថ្នាក់ចរាចរណ៍លើកទីមួយបានកើតឡើងនៅ វេលាម៉ោង 3 និង 40 នាទីរសៀល ក្នុងចន្លោះគីឡូម៉ែត្រលេខ 74 និង 75 ស្ថិតនៅក្នុងភូមិ អូតានេស ឃុំរលាប្អៀរ ស្រុករលាប្អៀរ ដែលបង្កឡើងដោយរថយន្តម៉ាក Trago ពណ៌ទឹកប្រាក់ ពាក់ស្លាកលេខ ភ្នំពេញ 3.g9760 បើកបរដោយបុរសឈ្មោះ តឹក ផ្លូ អាយុ 32 ឆ្នាំ រស់នៅភូមិត្រពាំងថ្លាន់ត្បូង ឃុំព្រាល ស្រុកកញ្ជ្រាច ខេត្តព្រៃវែង បានបើកទៅបុក ពីក្រោយ រថយន្តហ៊ីយ៉ាន់ដាយ ពណ៌ក្រហម ពាក់ស្លាកលេខ កំពង់ឆ្នាំង 3A.1919 បើកបរដោយបុរសឈ្មោះ ទឹត្យ វុទ្ធី អាយុ 54 ឆ្នាំ មានទីលំនៅភូមិព្រៃខ្មែរ ស្រុករលាប្អៀរ ពីក្រោយ ក្នុងដំណើរស្របទៅគ្នា ពីជើងទៅត្បូង បណ្ដាលឱ្យបុរសជាអ្នកបើកបររថយន្ត Trago រករបួសជាទម្ងន់ ។
ហេតុការណ៍ទី 2 បាទកើតឡើងនៅវេលាម៉ោង 6 និង 30 នាទីល្ងាច ក្នុងចន្លោះគីឡូម៉ែត្រលេខ 95 និងលេខ 96 ចំណុចមុខផ្សារពង្រ សត្វក្នុងភូមិថ្មី ឃុំពង្រ ស្រុករលាប្អៀរ ។មុនពេលបង្កើតហេតុមានរថយន្តមួយគ្រឿងម៉ាក ហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 3D.3605 បើកបរដោយជនពុំស្គាល់ឈ្មោះ ក្នុងដំណើរពីជើងទៅត្បូង លង់ម្ដងចំណុចកើតហេតុស្រាប់តែមានម៉ូតូមួយគ្រឿងម៉ាក់ហុងដាឌ្រីម សរសេរ 125 ពណ៌ខ្មៅ ពាក់ស្លាកលេខភ្នំពេញ 1JG.បើកបរដោយបុរសឈ្មោះ ប៊ុន សិទ្ឋ អាយុ 45 ឆ្នាំ រស់នៅភូមិអូរលាច ឃុំបន្ទាយព្រាល ស្រុករលាប្អៀរ បានបើកឆ្លងកាត់ផ្លូវជាតិលេខ 5 ពីទិសខាងកើតទៅលិចក្នុងដំណើរខ្វែងពីគ្នា បណ្ដាលឱ្យរថយន្តបុកចំពេញទំហឹងតែម្ដង។ ។ក្រោយពេលកើតហេតុជនរងគ្រោះត្រូវបានដឹកទៅសង្គ្រោះនៅមន្ទីរពេទ្យប៉ុន្តែដោយសាររបួសធ្ងន់ពេកបណ្ដាលឱ្យស្លាប់គ្រាដែលគ្រូពេទ្យព្យាយាមសង្គ្រោះ។
គ្រោះថ្នាក់ចរាចរណ៍ទាំងពីរករណីនេះ មធ្យោបាយធ្វើដំណើរត្រូវបានយកទៅរក្សាទុកនៅ សមត្ថកិច្ចនគរបាលស្រុករលាប្អៀរ ដើម្បីរង់ចាំការដោះស្រាយតាមនីតិវិធី ចំណែកសពជនរងគ្រោះត្រូវបានបញ្ជូនទៅធ្វើបុណ្យតាមប្រពៃណី ៕
ចែករំលែកព័តមាននេះ