ខេត្តកំពង់ស្ពឺ ៖ អ្នកធ្វើដំណើរតាមផ្លូវជាតិលេខ៤ បានកកស្ទះជាច្រើនម៉ោង ទាល់តែសមត្ថកិច្ចជួយធ្វើអន្តរាគមន៍ទើបអាចធ្វើដំណើរបាន ក្រោយពីរថយន្តសណ្តោងកុងតឺន័រឡើងចំណោតលោកយាយម៉ៅពេជ្រនិលមិនរួច ថយក្រោយប៉ះជាមួយរថយន្តកុងតឺន័រមួយគ្រឿងទៀតដែលបើកពីក្រោយស្របទិសគ្នា បណ្តាលឱ្យនៅទទឹង បិទផ្លូវជាតិលេខ៤តែម្តង ។…
ខេត្តកំពង់ស្ពឺ ៖ អ្នកធ្វើដំណើរតាមផ្លូវជាតិលេខ៤ បានកកស្ទះជាច្រើនម៉ោង ទាល់តែសមត្ថ
កិច្ចជួយធ្វើអន្តរាគមន៍ទើបអាចធ្វើដំណើរបាន ក្រោយពីរថយន្តសណ្តោងកុងតឺន័រឡើងចំណោតលោកយាយម៉ៅពេជ្រនិលមិនរួច ថយក្រោយប៉ះជាមួយរថយន្តកុងតឺន័រមួយគ្រឿងទៀតដែល
បើកពីក្រោយស្របទិសគ្នា បណ្តាលឱ្យនៅទទឹង បិទផ្លូវជាតិលេខ៤តែម្តង ។ ចំណែកអ្នកបើកបរ ដោយការភិតភ័យក៏៏ចតរថយន្តទុកចោល រួចរត់គេចខ្លួនបាត់អស់ ។
ហេតុការណ៍នេះ កើតឡើងកាលពីវេលាម៉ោងប្រមាណ១០និង១៥នាទីព្រឹកថ្ងៃទី៧ ខែតុលា ឆ្នាំ២០២៥កន្លងទៅ នៅលើកំណាត់ផ្លូវជាតិលេខ៤ ចន្លោះបង្គោលគីឡូម៉ែត្រលេខ១០៤-១០៥ ស្ថិតក្នុងភូមិទី៦ ឃុំយាយម៉ៅពេជ្រនិល ស្រុកភ្នំស្រួច ។ នគរបាលស្រុកភ្នំស្រួចបានឱ្យដឹងថា ករណីនេះបណ្ដាលឱ្យអ្នកធ្វើដំណើរតាមផ្លូវជាតិលេខ៤កកស្ទះចរាចរាចរណ៍ជាច្រើនម៉ោង ទាល់តែសមត្ថកិច្ចជួយអន្តរាគមន៍សម្រួលចរាចរណ៍ទើបធ្វើដំណើរឆ្លងកាត់បានរលូនវិញ ។ រថយន្ត
កុងតឺន័រ១គ្រឿងម៉ាកហ៊ីណូ ពណ៌ស ពាក់ផ្លាកលេខ កណ្តាល ៣A-៣១០១៧ សណ្តោងសឺមីរ៉ឺម៉កពាក់ផ្លាកលេខ ត្បូងឃ្មុំ ៤A-១៦៣៧ បើកបរតាមទិសដៅពីខាងលិចទៅខាងកើត ។
លុះទៅដល់ចំណុចខាងលើ ស្រាប់តែឡើងចំណោតមិនរួច ក៏រអិលថយក្រោយទៅប៉ះនឹងរថ
យន្តកុងតឺន័រ១គ្រឿងទៀត ម៉ាកហ៊្វុយសូ ពណ៌ស ពាក់ផ្លាកលេខ ភ្នំពេញ ៣B-៣០៧៥ សណ្តោងសឺមីរ៉ឺម៉កពាក់ផ្លាកលេខ ភ្នំពេញ ៤B-៩៨២៨ ដែលបើកបរស្របទិសគ្នា ប៉ុន្ដែមិនបណ្តាលឲ្យមានគ្រោះថ្នាក់ដល់អ្នកធ្វើដំណើរតាមផ្លូវនោះឡើយ ។
ប្រភពដដែលបន្តថា គ្រោះថ្នាក់នេះបណ្ដាលឲ្យរថយន្តទាំង២គ្រឿងខូចខាតធ្ងន់ និងខូចខាតរនាំងសុវត្ថិភាពអមផ្លូវចំនួន៣ផ្ទាំងប្រវែង១២ម៉ែត្រ ។ រថយន្តទាំង២គ្រឿង ត្រូវបានសមត្ថកិច្ចនាំយកទៅរក្សាទុកជាបណ្ដោះអាសន្ននៅអធិការដ្ឋាននគរបាលស្រុកភ្នំស្រួច ដើម្បីដោះស្រាយតាមច្បាប់ ៕
ចែករំលែកព័តមាននេះ