ខេត្តកណ្តាល ៖ ក្មេងប្រុសម្នាក់ ចេញពីរៀន ជិះម៉ូតូត្រលប់ទៅផ្ទះវិញ បានជិះម៉ូតូវ៉ាខាងស្តាំដៃរថយន្ត បុកឃឿនបណ្ដាលឲ្យដួលចូលរថយន្តដែលមកពីក្រោយ(ស្របទិសគ្នា) បណ្ដាលឲ្យកិនស្លាប់ភ្លាមៗនៅនឹងកន្លែង ។ ហេតុការណ៍ដ៏គួរអោយរន្ធត់នេះ…
ខេត្តកណ្តាល ៖ ក្មេងប្រុសម្នាក់ ចេញពីរៀន ជិះម៉ូតូត្រលប់ទៅផ្ទះវិញ បានជិះម៉ូតូវ៉ាខាងស្តាំដៃរថយន្ត បុកឃឿនបណ្ដាលឲ្យដួលចូលរថយន្តដែលមកពីក្រោយ(ស្របទិសគ្នា) បណ្ដាលឲ្យកិនស្លាប់ភ្លាមៗនៅនឹងកន្លែង ។
ហេតុការណ៍ដ៏គួរអោយរន្ធត់នេះ កើតឡើងកាលពីវេលាម៉ោង១០និង៥០ព្រឹកថ្ងៃទី៣ ខែតុលា ឆ្នាំ២០២៥ ស្ថិតនៅត្រង់ចំណុចខាងមុខហាង ឌីស្មាតហ្គាស លើផ្លូវជាតិលេខ២១A ស្ថិតនៅភូមិតាខ្មៅ៣ សង្កាត់តាខ្មៅ ក្រុងតាខ្មៅ ខេត្តកណ្ដាល ។
លោកវរសេនីយ៌ឯក យី វណ្ណដា អធិការដ្ឋាននគរបាលក្រុងតាខ្មៅ បានអោតដឹងថា ស.ពក្មេងប្រុសរងគ្រោះ មានឈ្មោះ តាំង លាង សួគ៌ ភេទប្រុស អាយុ១៤ឆ្នាំ មុខរបរជាសិស្ស នៃវិទ្យាល័យ ហ៊ុន សែន សេរីភាព មានទីលំនៅភូមិលេខ២ សង្កាត់ស្វាយរលំ ក្រុងតាខ្មៅ ខេត្តកណ្តាល ។
លោកបានបន្តទៀតថា មុនពេលកើតហេតុ គេបានឃើញក្មេងប្រុសម្នាក់ជិះម៉ូតូមួយគ្រឿង ម៉ាកHONDA CUB90 ពណ៌ខៀវ ពាក់ផ្លាកលេខ កណ្តាល1I-4686 បានបើកបរម៉ូតូមានទិសដៅពីជើង ទៅត្បូង ខណៈមកដល់ចំណុចកើតហេតុ ជនរងគ្រោះបានបើកម៉ូតូវ៉ាខាងស្តាំរថយន្តមួយគ្រឿង ពណ៌លឿងខ្ចី ពាក់ស្លាកលេខ កណ្តាល3A-1305 ដែលបើកបរស្របទិញគ្នា បណ្ដាលឲ្យម៉ូតូឡើងលើឃឿនចិញ្ចើមផ្លូវ ដួលម៉ូតូ រួចខ្ទាតអ្នកបើកបរម៉ូតូ ចូលក្រោមរថយន្ត កិនស្លាប់ភ្លាមៗនៅនឹងកន្លែងកើតហេតុ ។ ចំណែកអ្នកបើករថយន្តបានចុះពីរថយន្ត រួចរត់គេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុ ។
ក្រោយពេលកើតហេតុ សមត្ថកិច្ចមូលដ្ឋានបានទាក់ទងសមត្ថកិច្ចជំនាញផែ្នកចរាចរណ៍ មកធើ្វការវាស់វែងយកមធ្យោបាយទាំង០២គ្រឿង យកមករក្សាទុកនៅអធិការក្រុងតាខ្មៅដើម្បីបន្តនិតិវិធីច្បាប់ ចំណែកសាកសពត្រូវបានក្រុមគ្រួសារមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ