រាជធានីភ្នំពេញ ៖ រថយន្តសណ្តោងកន្ទុយដឹកទូរកុងតឺន័រមួយគ្រឿងបើកទាក់ខ្សែភ្លើងកាត់ទទឹងផ្លូវបណ្តាលអោយបាក់បង្គោលភ្លើងសង្កត់លើរថយន្តមួយដើមនិងបាក់សង្កត់លើដំបូលផ្ទះប្រជាពលរដ្ឋសំណាងល្អពុំមានមនុស្សរងរបួស កាលពីវេលាម៉ោង ៨ និង ៣០ នាទីយប់ថ្ងៃទី ១១ ខែតុលា…
រាជធានីភ្នំពេញ ៖ រថយន្តសណ្តោងកន្ទុយដឹកទូរកុងតឺន័រមួយគ្រឿងបើកទាក់ខ្សែភ្លើងកាត់ទទឹងផ្លូវបណ្តាលអោយបាក់បង្គោលភ្លើងសង្កត់លើរថយន្តមួយដើមនិងបាក់សង្កត់លើដំបូលផ្ទះប្រជាពលរដ្ឋសំណាងល្អពុំមានមនុស្សរងរបួស កាលពីវេលាម៉ោង ៨ និង ៣០ នាទីយប់ថ្ងៃទី ១១ ខែតុលា ឆ្នាំ២០២៥ តាមបណ្តោយផ្លូវបេតុង ក្នុងភូមិបុរីសន្តិភាព២ និងភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពភពព័ត៌មានបានអោយដឹងថា នៅមុនពេលកើតហេតុ គេបានឃើញរថយន្តសណ្តោងកន្ទុយដឹកទូរកុងតឺន័រមួយគ្រឿង ម៉ាកហ៊ីណូ ពណ៍ខៀវ ពាក់ស្លាកលេខ ស្វាយរៀង 3A-3453 ធ្វើដំណើរតាមបណ្តោយផ្លូវបេតុងក្នុងទិសដៅពីត្បូងទៅជើងក្នុងល្បឿនយ៉ាងលឿន ខណៈពេលទៅដល់ត្រង់ចំណុចកើតហេតុបានទាក់ខ្សែភ្លើងកាត់ទទឹងផ្លូវយ៉ាងពេញទំហឹង បណ្តាលអោយបាក់បង្គោលភ្លើងមួយដើមសង្កត់លើរថយន្ត និងមួយដើមទៀតបាក់សង្កត់លើដំបូលផ្ទះប្រជាពលរដ្ឋ សំណាងល្អពុំមានមនុស្សណាម្នាក់រងរបួសនោះឡើយ ចំណែកអ្នកបើកបររថយន្តបង្កបានបើកទ្វាររត់គេចខ្លួនបាត់ស្រមោល។
ក្រោយកើតហេតុសមត្ថកិច្ចមូលដ្ឋាន សហការជាមួយមន្ត្រីជំនាញចុះមកវាស់វែងយករថយន្តទៅរក្សាទុកជាបណ្តោះអាសន្ននៅការយាល័យចរាចរណ៍ជើងគោករាជធានីភ្នំពេញដើម្បីរងចាំធ្វើការដោះស្រាយគ្នានៅពេលក្រោយ៕
ចែករំលែកព័តមាននេះ