រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា អាកាសយានដ្ឋានអន្តរជាតិភ្នំពេញ (ពោធិ៍ចិនតុង) មិនលក់ឱ្យក្រុមហ៊ុនឯកជនណានោះទេ…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា អាកាសយានដ្ឋានអន្តរជាតិភ្នំពេញ (ពោធិ៍ចិនតុង) មិនលក់ឱ្យក្រុមហ៊ុនឯកជនណានោះទេ ។
សម្តេចធិបតីលើកឡើងបែបនេះ នៅពេលដែលប្រជាពលរដ្ឋត្រូវបានអនុញ្ញាតចូលកម្សាន្តក្នងបរិវេណអាកាសយានដ្ឋានអន្តរជាតិភ្នំពេញ (ពោធិ៍ចិនតុង) ក្នុងឱកាសបុណ្យចូលឆ្នាំថ្មីប្រពៃណីជាតិ២០២៦ ។ នេះបើតាមបណ្តាញសង្គមរបស់សម្តេចធិបតី ។
សម្តេចធិបតី បានសរសេរលើបណ្តាញសង្គម នៅថ្ងៃទី១៩ ខែមេសា ឆ្នាំ២០២៦ថា ការបើកដំណើរការរយៈពេលចូលឆ្នាំថ្មី ដើម្បីបងប្អូនប្រជាពលរដ្ឋ បានចូលលេងកម្សាន្ត និងហាត់កីឡា ។
បន្ថែមលើនោះ ការបើកសាកល្បងក្នុងអំឡុងពេលចូលឆ្នាំថ្មីនេះក៏ជាមូលដ្ឋានដែលក្រុមការងារយកធ្វើការវាយតម្លៃ ដើម្បីធ្វើការរៀបចំការងារមួយចំនួនបន្ថែម រួមទាំងការងារហេដ្ឋារចនាសម្ព័ន្ធ ការដាំដើមឈើ ។ល។ ក្នុងគោលដៅធ្វើឲ្យបរិស្ថានបរិវេណអាកាសយានដ្ឋាន អន្តរជាតិភ្នំពេញ កាន់តែប្រសើឡើងសម្រាប់បើកជូនប្រជាពលរដ្ឋចូលលេងកម្សាន្ត និងហាត់ប្រាណប្រចាំថ្ងៃនៅពេលឆាប់ៗខាងមុខ ។
សម្តេចបានគូសបញ្ជាក់ថា តាមគោលការណ៍ដែលខ្ញុំធ្លាប់បានបញ្ជាក់ជូនប្រជាពលរដ្ឋ ៖ ១. មិនលក់អាកាសយានដ្ឋាន អន្តរជាតិភ្នំពេញ (ពោធិ៍ចិនតុង) ឱ្យក្រុមហ៊ុនឯកជនណានោះទេ ។ ២. រក្សាទុក្ខជាទ្រព្យសម្បត្តិរបស់រដ្ឋ និងប្រើប្រាស់ក្នុងគោលបំណងពីរគឺ: ១) ជាព្រលានយន្តហោះបម្រុង និង២) ជាទីកន្លែងសាធារណៈសម្រាប់ប្រជាពលរដ្ឋទូទៅបានចូលកម្សាន្ត និងហាត់កីឡា ៕
ចែករំលែកព័តមាននេះ