ករណីធា.ក់ផ្តួលម៉ូតូ ប្ល.ន់នៅកំចាយមារ សមត្ថកិច្ចចាប់ឃាត់ខ្លួនជនសង្ស័យ២នាក់ ដកហូតម៉ូតូប្រគល់ឱ្យជនរងគ្រោះវិញ
- ព្រៃវែង
ខេត្តព្រៃវែង ៖ ជនសង្ស័យជាមុខសញ្ញាចោរប្លន់ចំនួនពីរនាក់ ត្រូវបានសមត្ថកិច្ចនគរបាលឃុំក្របៅចាប់ឃាត់ខ្លួន ក្រោយធ្វើសកម្មភាពធាក់ផ្តួលម៉ូតូជនរងគ្រោះ ប្លន់យកម៉ូតូបានត្រឹមតែ២ម៉ោង។
ករណីនេះ បានកើតឡើងកាលពីវេលាម៉ោង១០ព្រឹក ថ្ងៃទី២៩សីហា នៅចំណុចអូចារ ក្នុងឃុំក្របៅ ស្រុកកំចាយមារ ខេត្តព្រៃវែង។
ជនសង្ស័យដែលត្រូវបានឃាត់ខ្លួនទាំង២នាក់ ទី១ឈ្មោះ ខន សុខាវ ភេទប្រុស អាយុ១៧ឆ្នាំ ទី២ឈ្មោះ ជឿន កុសល ភេទប្រុស អាយុ១៨ឆុនាំ អ្នកទាំង២មានទីលំនៅក្នុងស្រុកអូរាំងឪ ខេត្តត្បូងឃ្មុំ ចំណែកជនរងគ្រោះមានឈ្មោះ ហួយ ឃៅ ភេទស្រី អាយុជាង៥០ឆ្នាំ។
សមត្ថកិច្ចបានឲ្យដឹងថា មុនពេលកើតហេតុ ជនរងគ្រោះកំពុងជិះម៉ូតូម្នាក់ឯង នៅតំបន់អូចារ ហើយស្រាប់តែមានក្មេងស្ទាវ២នាក់ ជិះម៉ូតូមកពីក្រោយ ហើយធាក់ម៉ូតូជនរងគ្រោះបណ្តាលអោយដួល បន្ទាប់មកក៏ប្លន់យកម៉ូតូជិះទៅបាត់។
ក្រោយកើតហេតុភ្លាមៗ ជនរងគ្រោះបានទៅប្តឹងសមត្ថកិច្ចនគរបាលប៉ុស្តិ៍ក្របៅ ហើយកម្លាំងនគរបាលក៏ចេញស្រាវជ្រាវ ស្ទាក់គ្រប់ច្រករហូត២ម៉ោងក្រោយ គឺនៅម៉ោង១២ថ្ងៃត្រង់ ថ្ងៃដដែល សមត្ថកិច្ចក៏ប្រទះឃើញជនសង្ស័យនៅក្នុងបរិវេណវត្តក្របៅ ក៏ធ្វើការចាប់ឃាត់ខ្លួនបានទាំងជនសង្ស័យ និងម៉ូតូជនរងគ្រោះតែម្តង។
បច្ចុប្បន្នជនសង្ស័យ ត្រូវបានឃាត់ខ្លួននៅអធិការដ្ឋាននគរបាលស្រុកកំចាយមារ ដើម្បីបន្តនិតិវិធី ៕
ចែករំលែកព័តមាននេះ