ខេត្តព្រះសីហនុ ៖ សមត្ថកិច្ចបានអោយដឹងថា មានករណីគ្រោះថ្នាក់ចរាចរមួយកើតឡើងរវាងរថយន្តមួយគ្រឿងមានដឹកអ្នកដំណើរម៉ាក KING LONG បានបុកគ្នាជាមួយរថយន្តមួយគ្រឿងមិនស្គាល់ម៉ាក ក្នុងទិសដៅផ្ទុយគ្នា បណ្តាលឱ្យមនុស្ស៦នាក់រងរបួសធ្ងន់ និងស្រាល។…
ខេត្តព្រះសីហនុ ៖ សមត្ថកិច្ចបានអោយដឹងថា មានករណីគ្រោះថ្នាក់ចរាចរមួយកើតឡើងរវាងរថយន្តមួយគ្រឿងមានដឹកអ្នកដំណើរម៉ាក KING LONG បានបុកគ្នាជាមួយរថយន្តមួយគ្រឿងមិនស្គាល់ម៉ាក ក្នុងទិសដៅផ្ទុយគ្នា បណ្តាលឱ្យមនុស្ស៦នាក់រងរបួសធ្ងន់ និងស្រាល។
ហេតុការណ៍ខាងលើនេះបានកើតឡើងកាលពីវេលាម៉ោង៤និង៤០នាទីព្រឹកថ្ងៃទី២៣ មករា ២០១៩ តាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៧៥-១៧៦ ស្ថិតក្នុងភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ ។
ជនរងគ្រោះទាំង៦នាក់ដែលជិះក្នុងរថយន្តម៉ាក KING LONG រួមមាន ១-ឈ្មោះ ស្រ៊ុន ឡុងហេង ជាអ្នកបើកបររថយន្តម៉ាក KING LONG បានរងរបួសធ្ងន់ ២-ឈ្មោះ ទូ ហ៊ូទុង ភេទប្រុស អាយុ៣៧ឆ្នាំ ជនជាតិចិន ជាអ្នករួមដំណើរ មានទីលំនៅ ក្រុងព្រះសីហនុ បានរងរបួសស្រាល ៣-ឈ្មោះហ៊ិន ស្រីពេជ្រ ភេទស្រី អាយុ២៩ឆ្នាំ ជាអ្នករួមដំណើរ មានទីលំនៅភូមិ៤ សង្កាត់លេខ៤ ក្រុងព្រះសីហនុ បានរបួសស្រាល ។
៤-ឈ្មោះ ហង្ស ចាន់ចំរើន ភេទស្រី អាយុ២៥ឆ្នាំ ជាអ្នករួមដំណើរ មានទីលំនៅភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ ៥-ឈ្មោះសាំង សារឿន ភេទស្រី អាយុ២៩ឆ្នាំ ជាអ្នករួមដំណើរ មានទីភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ និង៦-អ្នករួមដំណើរម្នាក់ទៀត មិនស្គាល់អត្តសញ្ញាណ បានរងរបួសធ្ងន់ ។
ដោយឡែកភាគីរថយន្តមួយគ្រឿងទៀតបានបើកគេចបាត់ស្រមោល ។
បច្ចុប្បន្ន អ្នករងរបួសត្រូវបានគេបញ្ជូនទៅសង្គ្រោះនៅមន្ទីពេទ្យឯកជនមួយកន្លែង រីឯរថយន្តម៉ាក KING LONG ត្រូវបានសមត្ថកិច្ចយកមករក្សាទុកនៅអធិដ្ឋាននគរបាលស្រុកព្រៃនប់ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ