សារព័ត៌មានក្នុងស្រុកបានរាយការណ៍ក្នុងពេលថ្មីៗនេះថា ចំនួនអ្នកកើតជំងឺទឹកនោមផ្អែមក្នុងប្រទេសវៀតណាមបានកើនឡើងដល់២១១ភាគរយរយៈពេល១០ឆ្នាំកន្លងទៅនេះ ខណៈចំនួនអ្នកដែលមិនមានលំនឹងជាតិស្ករក្នុងឈាមកើនឡើងជិតពាក់កណ្តាល។
សារព័ត៌មានក្នុងស្រុកបានរាយការណ៍ក្នុងពេលថ្មីៗនេះថា ចំនួនអ្នកកើតជំងឺទឹកនោមផ្អែមក្នុងប្រទេសវៀតណាមបានកើនឡើងដល់២១១ភាគរយរយៈពេល១០ឆ្នាំកន្លងទៅនេះ ខណៈចំនួនអ្នកដែលមិនមានលំនឹងជាតិស្ករក្នុងឈាមកើនឡើងជិតពាក់កណ្តាល។
តួលេខនោះត្រូវបានបង្ហាញឱ្យដឹងនៅឯសន្និបាតមួយដែលរៀបចំដោយមជ្ឈមណ្ឌលអាហារបំប៉នក្រុងហូជីមិញ សហការជាមួយនាយកដ្ឋានសុខភាពក្រុង ដោយគោលបំណងនៃសន្និបាតគឺស្វែងរកមធ្យោបាយអនុវត្តគម្រោងទប់ស្កាត់ និងត្រួតពិនិត្យ ជំងឺទឹកនោមផ្អែមឆ្នាំ២០១៣ ។
តាមតួលេខថ្មីបំផុតដែលផ្សាយឱ្យដឹងដោយកាសែតក្នុងស្រុក Tuoi Tre គឺ៥៧ភាគរយនៃចំនួនប្រជាជនសរុបទូទាំងប្រទេសកើតជំងឺទឹកនោមផ្អែមខណៈចំនួនអ្នកឈានទៅកើតជំងឺនេះនិងអ្នកខូចលំនឹងជាតិស្ករក្នុងឈាមមាន១២,៨ភាគរយ ។ កន្លែងដែលមានអ្នកកើតជំងឺទឹកនោមផ្អែមខ្ពស់ជាងគេបំផុតក្នុងប្រទេសវៀតណាមគឺនៅទីក្រុងហូជីមិញភាគខាងត្បូង ។ នៅតំបន់នេះ៥,៧ភាគរយកើតជំងឺទឹកនោមផ្អែម ខណៈ១២,៨ភាគរយជាចំនួនអ្នកខូចលំនឹងជាតិស្ករ និងឈានទៅរកការងារកើត មានជំងឺនេះ ។
យោងតាមរបាយការណ៍អង្គការសុខភាពពិភពលោក(WHO) ឱ្យដឹងថា កាលឆ្នាំ២០០០ប្រជាជន១៧១លាននាក់ទូទាំងសាកលលោកកើតជំងឺទឹកនោមផ្អែម ហើយនៅឆ្នាំ២០០៦ តួលេខនេះបានកើនឡើងដល់២៤៦លាននាក់ ។ តាមការរំពឹងទុកចំនួននេះនឹងកើនដល់ពី៣៨០ទៅ៣៩៩លាននាក់ នៅឆ្នាំ២០២៥ ។
ភាគច្រើនអ្នកកើតជំងឺទឹកនោមផ្អែម តែងមានជាតិស្ករក្នុងឈាមឡើងខ្ពស់ ឬការផលិតអាំងស៊ុយលីនមិនគ្រប់គ្រាន់ ឬពីព្រោះបណ្តាកោសិការាងកាយមិនបានឆ្លើយតបត្រឹមត្រូវនឹងអាំងសុ៊យលីន ។ ជាទូទៅអ្នកដែលមានជាតិស្ករក្នុងឈាមខ្ពស់រមែងបត់ជើងតូចច្រើនដង ហើយការស្រេកទឹក និងឃ្លានអាហារកើតឡើងលើសពីធម្មតា ៕
ចែករំលែកព័តមាននេះ