អ្នកវិទ្យាសាស្ត្របានអះអាងថា ការហាត់ប្រាណដោយដើរឱ្យបាន១ម៉ោងកន្លះរៀងរាល់ថ្ងៃអាចជួយឱ្យស្ត្រីកាត់បន្ថយអត្រាប្រឈមដោយជំងឺមហារីកដោះបាន៣០ភាគរយ ។អ្នកវិទ្យាសាស្ត្រនិយាយទៀតថា ការធ្វើលំហាត់ប្រាណធម្មតាៗរយៈពេល១០ម៉ោងក្នុងមួយសប្តាហ៍អាចកាត់បន្ថយការកើតជំងឺនោះបានដល់ស្ត្រីគ្រប់វ័យ ។
អ្នកវិទ្យាសាស្ត្របានអះអាងថា ការហាត់ប្រាណដោយដើរឱ្យបាន១ម៉ោងកន្លះរៀងរាល់ថ្ងៃអាចជួយឱ្យស្ត្រីកាត់បន្ថយអត្រាប្រឈមដោយជំងឺមហារីកដោះបាន៣០ភាគរយ ។អ្នកវិទ្យាសាស្ត្រនិយាយទៀតថា ការធ្វើលំហាត់ប្រាណធម្មតាៗរយៈពេល១០ម៉ោងក្នុងមួយសប្តាហ៍អាចកាត់បន្ថយការកើតជំងឺនោះបានដល់ស្ត្រីគ្រប់វ័យ ។
ក្រុមអ្នកវិទ្យាសាស្ត្រអាមេរិកទាំងនោះជឿថា ការធ្វើឱ្យខ្លួនយើងមានសកម្មភាពនឹងជួយទប់ស្កាត់ការបង្កើតជាលិកាខ្លាញ់ដែលជាឈ្នាន់ឈានទៅរកការដុះដុំសាច់មហារីក ។ ការសិក្សានេះត្រូវគេពិសោធលើស្ត្រីអាយុពី២០ទៅ ៩៨ឆ្នាំប្រមាណ៣.០៥៩នាក់ដោយក្នុងនោះស្ត្រីដែលមានរោគសញ្ញាមហារីកដោះ ១.៥០៤នាក់ ។
ការសិក្សាដែលបានចុះផ្សាយនៅក្នុងព្រឹត្តិប័ត្រមហារីកនេះបានរកឃើញថា អត្ថប្រយោជន៍នៃការហាត់ប្រាណដែលថាអាចជួយទប់ស្កាត់ការកើតជំងឺមហារីកដោះអាចត្រូវរលាយបាត់ ឬគ្មានតែម្តងប្រសិនជាស្ត្រីនោះឡើងទម្ងន់ ។ ក្រុមអ្នកវិទ្យាសាស្ត្របានដាក់ការសង្ស័យថា ការហាត់ប្រាណដែលថាជួយទប់ស្កាត់ការដុះដុំសាច់នោះគឺដោយការកាត់បន្ថយចំនួនកោសិកាខ្លាញ់និងជាលិកាខ្លាញ់ ។
កោសិកានិងជាលិកាខ្លាញ់ទាំងនេះគឺជាអ្នកបញ្ចេញនូវអ៊័រម៉ូន Oestrogen និង Testosterone ដែលជំរុញឱ្យដុះដុំសាច់ ។
ការស្រាវជ្រាវពីលើកមុនក៏បានបង្ហាញផងដែរថា បណ្តាស្ត្រីដែលមានអ៊័រម៉ូន Oestrogen និង Testosteroneកម្រិតខ្ពស់ក្នុងរាងកាយប្រឈមនឹងគ្រោះថ្នាក់ជំងឺមហារីកដោះ២ទៅ៣
ដង ៕
ចែករំលែកព័តមាននេះ