ខេត្តក្រចេះ ៖ មន្ត្រីនៃមន្ទីរអប់រំខេត្តក្រចេះបានអះអាងថា បច្ចុប្បន្ននេះវិស័យអប់រំ ក្នុងខេត្តក្រចេះមានការរីកចម្រើនទាំងបរិមាណ និងគុណភាពគួរឲ្យមានមោទនភាពជាខ្លាំង។
ការអភិវឌ្ឍន៍អាស្រ័យបានដោយសារមានការគាំទ្រពីអាជ្ញាធរ និងការចូលរួមពីសហគមន៍ជាតិ និងអន្តរជាតិសប្បុរសជននិងអង្គការដៃគូរអភិវឌ្ឍន៍នានា។
ទោះជាបែបណា អង្គការជាដៃគូក្នុងគំរោងលើកស្ទួយវិស័យអប់រំនៅខេត្តក្រចេះមួយចំនួនបានលើកឡើងថា ការខ្វះខាត សាលារៀន និងការខ្វះគ្រូសម្រាប់បង្រៀន ពិសេសនោះចំនួនសិស្សបោះបង់ចោលការ សិក្សានៅតែ ជាកត្តាមួយប្រឈមនិងគូរឲ្យព្រួយបារម្ភដល់វិស័យអប់រំសិក្សានៅតាម នៅតាមទីជនបទដាច់ស្រាយ៉ាល។
ថ្លែងនៅក្នុងពិធីសន្និបាតបូកសរុបការងាររប្រចាំឆ្នាំ២០១៨ និងលើកទីសដៅបន្តឆ្នាំ ២០១៩ ដែលបានធ្វើឡើងពេញមួយថ្ងៃទី១៧ មករា ប្រធានមន្ទីរអប់រំខេត្តក្រចេះ លោក ឡាយ បូរា បានបញ្ជាក់ដោយបានបង្ហាញចំនួនតួរលេខឲ្យដឹងទៀតថា ក្នុងឆ្នាំសិក្សា២០១៨-២០១៩ ខេត្តក្រចេះ មានសាលាមត្តេយ្យរដ្ឋ៩០សាលា មត្តេយ្យឯកជន៤ មត្តេយ្យសហគមន៍ ១០៥ថ្នាក់ អប់រំតាមផ្ទះ១៩១ភូមិ សាលាបឋម២៧៤កន្លែង អនុវិទ្យាល័យ៤៣កន្លែង វិទ្យាល័យ ១១កន្លែងនិងគរុកោសល្យ១កន្លែង ។
អភិបាលខេត្តក្រចេះលោក វ៉ា ថន ដែលបានអញ្ជើញជាគណៈអធិបតី បានមានប្រសាសន៍ទៅកាន់លោកគ្រូ អ្នកគ្រូទាំងចំនួនជាង៤០០នាក់ ក្នុងពិធីសន្និបាតនោះថា លទ្ធផលដែល សម្រេចបានទាំងនេះគឺឆ្លុះបញ្ជាំងពីការយកចិត្តទុកដាក់របស់រាជរដ្ឋាភិបាល ក្នុងការកាត់ បន្ថយភាពក្រីក្រ និងការលើកស្ទួយកម្រិតជីវភាពរបស់ប្រជាជនទាំងការកែលម្អសេវា សាធារណៈជូនប្រជាជនឲ្យមានភាពកាន់តែប្រសើឡើង។
លោកអភិបាលខេត្តក្រចេះក៏បាន មានប្រសាសន៍ដោយវាយតម្លៃថា បច្ចុប្បន្នវិស័យអប់រំនៅខេត្តក្រចេះមានការប្រែប្រួលរីកចម្រើនថ្មីៗជាច្រើន តាមរយៈការកសាងនិងការអភិវឌ្ឍន៍សាលារៀននៅគ្រប់ភូមិសិក្សា ។
ដូចអ្វីដែលមានស្រាប់ក្នុងឆ្នាំ ២០១៧-២០១៨ កន្លងទៅនេះ ចំនួនសាលារៀននិងចំនួនសិស្ស គឺពិតជាបានកើនឡើងដល់កម្រិតមួយ វាជាមានមោទនភាពមួយសម្រាប់ខេត្តដែលនៅជាប់ និងដងទន្លេមេគង្គមួយនេះ៕
ចែករំលែកព័តមាននេះ