រាជធានីភ្នំពេញ ៖ សម្ដេចបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានសង្ឃឹមថា លោកតា ស៊ុច នឹងជួយដល់ប្រជាជនកម្ពុជាលើវិថីនៃការអប់រំតាមព្រះធម៌នៃមាគ៌ាព្រះពុទ្ធសាសនា…
រាជធានីភ្នំពេញ ៖ សម្ដេចបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានសង្ឃឹមថា លោកតា ស៊ុច នឹងជួយដល់ប្រជាជនកម្ពុជាលើវិថីនៃការអប់រំតាមព្រះធម៌នៃមាគ៌ាព្រះពុទ្ធសាសនា ។ ការលើកឡើងរបស់សម្ដេចធិបតី ហ៊ុន ម៉ាណែត នាឱកាសអញ្ជើញទទួលស្វាគមន៍ព្រះតេជគុណ លោកតា ស៊ុច នៅថ្ងៃទី៤ ខែកក្កដា ឆ្នាំ២០២៥នេះ ដែលបាននិមន្តមកដល់កម្ពុជា ។
សម្ដេចមហាបវរធិបតី បានគូសបញ្ជាក់ថា «ខ្ញុំព្រះករុណាជួបជាមួយលោកតា ស៊ុច ដែលបាននិមន្តមកដល់ទឹកដីនៃព្រះរាជាណាចក្រកម្ពុជា និងសូមស្វាគមន៍យ៉ាងកក់ក្តៅ ហើយសង្ឃឹមព្រះអង្គនឹងជួយដល់ប្រជាជនកម្ពុជា លើវិថីនៃការអប់រំតាមព្រះធម៌នៃមាគ៌ាព្រះពុទ្ធសាសនារបស់យើង» ។
សូមជម្រាបថា នាថ្ងៃទី០២ កក្កដានេះ ព្រះតេជគុណលោកតា ស៊ុច បាននិមន្ត មកដល់ប្រទេសកម្ពជា ។ ព្រះតេជគុណតា ស៊ុច ជាព្រះសង្ឃមួយអង្គមានស្រុកកំណើតនៅខេត្តបូរីរាំ ព្រះរាជាណាចក្រថៃ បានសម្រេចព្រះទ័យចូលមកកម្ពុជា តាមព្រលានយន្តហោះអន្តរជាតិភ្នំពេញ ដោយមិននិមន្តទៅប្រទេសថៃវិញជាដាច់ខាត ។
ការនិមន្តមកប្រទេសកម្ពុជាពីសំណាក់លោកតា ស៊ុច គឺក្រោយពីមានការស្វាគមន៍យ៉ាងកក់ក្តៅពីសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ៕
ចែករំលែកព័តមាននេះ