ខេត្តតាកែវ ៖ នៅថ្ងៃទី៣ ខែកក្កដា ឆ្នាំ២០២៥នេះ ក្រុមអាជីអ្នករកស៊ីដែលប្រកបរបរដឹកទំនិញសំពីងសំពោងតាមរថយន្តសាំយ៉ុង ពីព្រំដែន កម្ពុជា. វៀតណាមនិងច្រកនានា តាមបណ្ដោយផ្លូវជាតិលេខ០២…
ខេត្តតាកែវ ៖ នៅថ្ងៃទី៣ ខែកក្កដា ឆ្នាំ២០២៥នេះ ក្រុមអាជីអ្នករកស៊ីដែលប្រកបរបរដឹកទំនិញសំពីងសំពោងតាមរថយន្តសាំយ៉ុង ពីព្រំដែន កម្ពុជា. វៀតណាមនិងច្រកនានា តាមបណ្ដោយផ្លូវជាតិលេខ០២ ក្នុងខេត្តតាកែវ យកទៅលក់នៅតាមបណ្ដារខេត្ត.ក្រុងនានា បានមកស្នើសុំ អភិបាលខេត្តតាកែវ ដើម្បីជួយសម្រួលក្នុងការបើកគូថរថយន្តដើម្បីដាក់ទំនិញបន្ថែមព្រោះពួកគាត់បានត្អូញត្អែថា ក្រោយពីមានការទប់ស្កាត់និងលុបបំបាត់ចំពោះយានយន្តដឹកសំពីងសំពោងគ្រប់ប្រភេទ កម្លាំងសមត្ថកិច្ចបានចុះរឹតបន្តឹងច្បាប់ចរាចរណ៍ផ្លូវគោក នៅតាមដងផ្លូវក្នុងភូមិសាស្ត្រខេត្តតាកែវមក ពួកគាត់ពិតជាមានការលំបាកក្នុងការរកប្រាក់ចំណេញណាស់ ព្រោះរាល់ការដឹកទំនិញ ដែលនាំចូលតាមច្រកនានាតាមព្រំដែនជាប់ប្រទេសវៀតណាម តាមរយ:(រថយន្តសាំយ៉ុង) របស់ពួកគាត់ត្រូវបង់ពន្ធ ជាច្រើនកន្លែងទម្រាំដល់ទីតាំងដោយចំណាយអស់ជាងម្ភៃយឺនរៀល ទៅ៣០មុឺនរៀលឯណោះ ដូច្នេះពួកគាត់ទូទាក់គ្មានប្រាក់ចំណេញនោះទេ។
លោក ញ៉ែម ស្រស់ អភិបាលរងខេត្ត តំណាងឯកឧត្តម វុី សំណាង អភិបាលខេត្តតាកែវ បានចុះមកជួប បងប្អូនអាជីវករជាង៤០គ្រួសារ លោកបានសម្របសម្រួល ឱ្យបងប្អូនជាតំណាងអាជីវករ ធ្វើការដាក់ពាក្យស្នើសុំ ជាលាយលាក់អក្សរ ប្រភេទរថយន្ត ទំនិញ និងផ្លាកលេខរថយន្ត ដើម្បីរដ្ឋបាលខេត្ត ធ្វើការប្រជុំពិក្សាគ្នានិងត្រួតពិនិត្យមើលនៅពេលក្រោយ ដោយឱ្យបងប្អូនអាជីវករវិលត្រលប់ទៅផ្ទះរៀងៗខ្លួនសិន ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ