ខេត្តព្រៃវែង ៖ ក្រោមការចង្អុលបង្ហាញ ពីឯកឧត្តម សួន សុម៉ាលីន អភិបាលខេត្តព្រៃវែង អាជ្ញាធរស្រុកស្វាយអន្ទរ បានដំឡើងអំពូលភ្លើងសូឡា ចំនួន៣៣០ដើម…
ខេត្តព្រៃវែង ៖ ក្រោមការចង្អុលបង្ហាញ ពីឯកឧត្តម សួន សុម៉ាលីន អភិបាលខេត្តព្រៃវែង អាជ្ញាធរស្រុកស្វាយអន្ទរ បានដំឡើងអំពូលភ្លើងសូឡា ចំនួន៣៣០ដើម ដាក់ពង្រាយនៅតាមដងផ្លូវសំខាន់ៗក្នុងស្រុក ដើម្បីបង្កើនសោភ័ណភាពផង និងដើម្បីឱ្យប្រជាពលរដ្ឋ ងាយស្រួលធ្វើដំណើរនៅពេលយប់ផង។
លោក ហៃ សំណាង អភិបាលស្រុកស្វាយអន្ទរបានឲ្យដឹងថា ការដំឡើងអំពូលសូឡានៅតាមដងផ្លូវនេះ មិនត្រឹមតែជួយឱ្យភូមិឃុំមានពន្លឺចែងចាំងនៅពេលរាត្រីប៉ុណ្ណោះទេ ប៉ុន្តែវាក៏ជាផ្នែកមួយនៃយុទ្ធសាស្ត្រ “ភូមិ-ឃុំ មានសុវត្ថិភាព” ផងដែរ។
លោកអភិបាលស្រុកបានបន្តថា ពេលដែលដងផ្លូវមានភ្លើងបំភ្លឺនៅពេលយប់ វាកាត់បន្ថយគ្រោះថ្នាក់ចរាចរណ៍បានមួយកំរឹត ដោយសារអ្នកបើកបរមានភាពងាយស្រួលក្នុងការមើលផ្លូវ និងជួយបង្ការសកម្មភាពមិនប្រក្រតីផ្សេងៗ និងផ្តល់ភាពកក់ក្តៅដល់ប្រជាពលរដ្ឋពេលធ្វើដំណើរយប់អាធ្រាត្រ។
ដោយឡែកប្រជាពលរដ្ឋនៅស្រុកស្វាយអន្ទរក៏បានសម្តែងនូវក្តីសប្បាយរីករាយយ៉ាងខ្លាំង ចំពោះការយកចិត្តទុកដាក់របស់អាជ្ញាធរស្រុក ដោយពួកគាត់បានបញ្ជាក់ថា ពីមុនតាមផ្លូវងងឹតណាស់ពេលយប់ ពេលទៅណាម្តងៗ ពួកគាត់មានការព្រួយបារម្ភខ្លាំងពីបញ្ហាសុវត្ថិភាព ប៉ុន្តែពេលនេះ តាមផ្លូវមានភ្លើងភ្លឺច្បាស់ ពួកគាត់ធ្វើដំណើរក៏មានភាពកក់ក្តៅដែរ៕
ចែករំលែកព័តមាននេះ