ខេត្តព្រៃវែង ៖ ផ្លូវជាតិលេខ៣១៣ ត្រូវបានរឹតបន្តឹង ខណៈក្រុមត្រួតពិនិត្យពិសេសរបស់ក្រសួងសាធារណការ បានចុះអន្តរាគមន៍ភ្លាមៗ បន្ទាប់ពីរកឃើញរថយន្តដឹកទំនិញធុនធ្ងន់ចំនួន ៤គ្រឿង ដឹកលើសទម្ងន់អនុញ្ញាតយ៉ាងសន្ធឹកសន្ធាប់ពី៣៣% ដល់…
ខេត្តព្រៃវែង ៖ ផ្លូវជាតិលេខ៣១៣ ត្រូវបានរឹតបន្តឹង ខណៈក្រុមត្រួតពិនិត្យពិសេសរបស់ក្រសួងសាធារណការ បានចុះអន្តរាគមន៍ភ្លាមៗ បន្ទាប់ពីរកឃើញរថយន្តដឹកទំនិញធុនធ្ងន់ចំនួន ៤គ្រឿង ដឹកលើសទម្ងន់អនុញ្ញាតយ៉ាងសន្ធឹកសន្ធាប់ពី៣៣% ដល់ ៦០% ។
នេះបើយោងតាមផេកក្រសួងសាធារណការ និងដឹកជញ្ជូន បានប្រកាសនាថ្ងៃទី២៧ ខែមេសានេះថា ៖ ក្រុមការងារត្រួតពិនិត្យពិសេស បានចុះឆ្មក់ត្រួតពិនិត្យ និងបង្ក្រាបយានយន្តដឹកជញ្ជូនលើសទម្ងន់ ក្នុងខេត្តព្រៃវែង ។
ក្រសួងសាធារណការ និងដឹកជញ្ជូន បានបន្តថា នៅថ្ងៃទី២៧ ខែមេសា ឆ្នាំ២០២៦ ក្រុមត្រួតពិនិត្យពិសេសរបស់ឯកឧត្តមរដ្ឋមន្ត្រី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ឯកឧត្តម ឯក រដ្ឋ អនុរដ្ឋលេខាធិការ និងជាប្រធានក្រុម បានដឹកនាំលោកអនុប្រធាន សមាជិក រួមទាំងមន្ត្រីស្ថានីយអ្នកលឿង ខេត្តព្រៃវែង បានចុះត្រួតពិនិត្យ និងបង្ក្រាបយានយន្តដឹកជញ្ជូនលើសទម្ងន់កម្រិតកំណត់ នៅលើផ្លូវជាតិលេខ៣១៣ ចន្លោះគ.មលេខ១៥ ដល់ គ.មលេខ១៦ ស្រុកបាភ្នំ ខេត្តព្រៃវែង ។
ជាលទ្ធផល ក្រុមការងារបានត្រួតពិនិត្យយានយន្តសរុបចំនួន៤គ្រឿង (លើសទម្ងន់ទាំងអស់) ផ្ទុកលើសទម្ងន់ អនុញ្ញាតចន្លោះពី១០តោន ដល់១៨តោន គិតជាភាគរយចន្លោះពី៣៣% ដល់ ៦០%៕
ចែករំលែកព័តមាននេះ