ADផ្ទាំងផ្សព្វផ្សាយពាណិជ្ជកម្ម

សង្ស័យជាងផ្សាដែក ធ្លាក់កម្ទេចភ្លើងលើសម្ភារៈ បង្កការឆាបឆេះហាងសាច់អាំងភ្នំភ្លើង និងស៊ុបស៊ីឈាន់ នៅកំបូល

1 នាទី មុន

ភ្នំពេញ
២៨ ខែ មេសា ឆ្នាំ ២០២៦ ម៉ោង ១៤:៤៤

រាជធានីភ្នំពេញ ៖ ហាងមួយកន្លែងយីហោ«សាច់អាំងភ្នំភ្លើងនិងស៊ុបសុីឈាន់» ដែលកំពុងសាងសង់បានប្រមាណ៩០ភាគរយទៅហើយនោះ យ៉ាងសន្ធោសន្ធៅ ដែលសមត្ថកិច្ចសន្នដ្ឋានជាជំហានដំបូងថា ការឆាបឆេះនេះ សង្ស័យជាងផ្សាដែកធ្វើឲ្យធ្លាក់កម្ទេចផ្កាភ្លើងលើសមហភារៈនៅក្នុងហាងនោះ ។ ខណៈនោះមានរថយន្តពន្លត់អគ្គិភ័យទៅដល់ទីនោះច្រើនគ្រឿងបាញ់ទឹកពន្លត់រលត់ទៅវិញ ប៉ុន្តែហាងខាងលើខូចខាតស្ទើរតែទាំងស្រុង ចំណែកសម្ភារៈដែលបំពាក់នៅក្នុងហាងនោះបានខូចខាតអស់ទាំងស្រុងតែម្ដង រួមទាំងម៉ូតូចំនួន២គ្រឿងនិងរ៉ឺម៉កម៉ូតូ១គ្រឿងផងដែរ ។

ហេតុការណ៍ខាងលើនោះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី២៨ ខែមេសា ឆ្នាំ២០២៦ ស្ថិតនៅតាមផ្លូវបេតុងភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ ។

សមត្ថកិច្ចបានប្រាប់ថា ការឆាបឆេះនេះសង្ស័យបណ្ដាលមកពីជាងផ្សាដែកសាងសង់ហាងនោះធ្លាក់កម្ទេចផ្កាភ្លើងលើសម្ភារៈនៅខាងក្រោម ដូចជាសាឡុងជាដើម ហើយក៏បង្កើតបានជាអណ្ដាតភ្លើងឆាបឆេះបែបនេះតែម្ដង ។ ពេលនោះអ្នកជិតខាង និងអ្នកនៅកន្លែងកើតហេតុនោះ បាននាំគ្នាយកបំពង់ពន្លត់អគ្គិភ័យទៅបាញ់ពន្លត់អស់ជាច្រើបំពង់ដែរ ប៉ុន្តែភ្លើងអត់រលត់ឡើយ ។ ក្រោយមកកម្លាំងសមត្ថកិច្ចខណ្ឌកំបូលបានចេញអន្តរាគមន៍ និងហៅរថយន្តពន្លត់អគ្គិភ័យទៅដល់ច្រើនគ្រឿងបាញ់ទឹកពន្លត់រហូតរលត់ទៅវិញទាំងស្រុង ។

សមត្ថកិច្ចបានប្រាប់ថា ម្ចាស់ហាងខាងលើនៅមិនទាន់ត្រូវបានគេស្គាល់អត្តសញ្ញាណនៅឡើយទេ ចំណែកហាងនោះមានទំហំ៩,៥០ម៉ែត្រគុណនឹង២៥ម៉ែត្រ ជញ្ជាំងឥដ្ឋគ្រោងដំបូលដែកនិងប្រក់ស័ង្កសីព្រមទាំងមានពិដានទៀតផង ។

ហាងនេះកំពុងដំណើរការសាងសង់នៅឡើយ ប៉ុន្តែរួចរាល់បានប្រមាណ៩០ភាគរយហើយ និងបានបំពាក់សម្ភារៈផ្សេងៗនៅក្នុងនោះស្ទើរតែរួចរាល់ទៅហើយដែរ ។ ពេលនេះត្រូវភ្លើងឆេះ ដែលបណ្ដាខូចខាតស្ទើរតែទាំងស្រុង រីឯសម្ភារៈដែលបំពាក់រួចត្រូវអគ្គិឆាបឆេះអស់ទាំងស្រុង រួមទាំងម៉ូតូម៉ាកHonda Zoomer-X១គ្រឿង និងម៉ាកHonda Beat ១គ្រឿង ប៉ុន្តែមិនបានបណ្ដាលឲ្យមានអ្នករងរបួស ឬ ក៏ឆេះរាលដាលដល់ផ្ទះអ្នកជិតខាងនោះឡើយ ៕