រាជធានីភ្នំពេញ ៖ ក្រសួងទេសចរណ៍ទទួលបដិសណ្ឋារកិច្ចស្វាគមន៍យ៉ាងកក់ក្តៅ ការនិមន្តមកដល់របស់ប្រតិភូព្រះសង្ឃនិមន្តមកពីវត្តសៅលីង ចំនួន១៦អង្គ ។ នេះបើយោងតាមផេកក្រសួងទេសចរណ៍បានប្រកាសនាព្រឹកថ្ងៃទី២៨ ខែមេសានេះ ។ ក្រសួងទេសចរណ៍…
រាជធានីភ្នំពេញ ៖ ក្រសួងទេសចរណ៍ទទួលបដិសណ្ឋារកិច្ចស្វាគមន៍យ៉ាងកក់ក្តៅ ការនិមន្តមកដល់របស់ប្រតិភូព្រះសង្ឃនិមន្តមកពីវត្តសៅលីង ចំនួន១៦អង្គ ។ នេះបើយោងតាមផេកក្រសួងទេសចរណ៍បានប្រកាសនាព្រឹកថ្ងៃទី២៨ ខែមេសានេះ ។
ក្រសួងទេសចរណ៍ បានបន្តថា ដោយទទួលបានគោលការណ៍ណែនាំដ៏ខ្ពង់ខ្ពស់ពីឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ នារសៀលថ្ងៃទី២៧ ខែមេសា ឆ្នាំ២០២៦ នៅអាកាសយាន្តដ្ឋានអន្តរជាតិតេជោ មន្ត្រីក្រសួងទេសចរណ៍ បានទទួលបដិសណ្ឋារកិច្ចពោរពេញ ដោយភាពកក់ក្តៅបំផុត ជូនដល់ប្រតិភូព្រះសង្ឃវត្តសៅលីង ចំនួន១៦អង្គ ដែលបាននិមន្តមកដល់ទឹកដីអច្ឆរិយៈកម្ពុជា ដើម្បីត្រៀមចូលរួមសម្តែងក្នុង «មហោស្រពក្បាច់គុនចម្រុះ កម្ពុជា-ចិន» (Cambodia-China Martial Arts Performance) ដែលនឹងប្រព្រឹត្ត ទៅចាប់ពីម៉ោង៧:០០នាទីព្រឹក ថ្ងៃទី៣០ ខែមេសា ឆ្នាំ២០២៦ នាបរិវេណខាងជើងប្រាសាទបាយ័ន ខេត្តសៀមរាប ។
ព្រឹត្តិការណ៍នេះនឹងនាំមកនូវការសម្តែងរួមគ្នាដ៏អស្ចារ្យរវាងក្បាច់គុនបុរាណខ្មែរ ៖ គុនល្បុក្កតោ យុទ្ធគុនខម និងប្រដាល់គុនខ្មែរ ជាមួយ ក្បាច់គុនចិន ៖ កុងហ្វូសៅលីង (Shaolin Kung Fu) និងថៃជី (Tai Chi) ដោយរំពឹងថា នឹងមានភ្ញៀវជាតិ-អន្តរជាតិ ចូលរួមទស្សនាដោយផ្ទាល់ និងដោយសេរីប្រមាណជាង១,០០០នាក់ ៕
ចែករំលែកព័តមាននេះ