យោងតាមការចុះផ្សាយពីប្រភពបរទេស ការថែទាំថ្លើមមិនមែនផ្ដោតតែលើការញ៉ាំអាហារបំប៉នប៉ុណ្ណោះទេ ប៉ុន្តែគឺអាស្រ័យលើទម្លាប់រស់នៅមុនពេលចូលគេង។ ប្រសិនបើលោកអ្នកមាន «ចំណង់ចំណូលចិត្ត» ទាំង ៤ យ៉ាងនេះ លោកអ្នកកំពុងតែបង្ខំឱ្យថ្លើមធ្វើការលើសកម្លាំង និងប្រឈមនឹងជំងឺមហារីកដោយមិនដឹងខ្លួន៖…
យោងតាមការចុះផ្សាយពីប្រភពបរទេស ការថែទាំថ្លើមមិនមែនផ្ដោតតែលើការញ៉ាំអាហារបំប៉នប៉ុណ្ណោះទេ ប៉ុន្តែគឺអាស្រ័យលើទម្លាប់រស់នៅមុនពេលចូលគេង។ ប្រសិនបើលោកអ្នកមាន «ចំណង់ចំណូលចិត្ត» ទាំង ៤ យ៉ាងនេះ លោកអ្នកកំពុងតែបង្ខំឱ្យថ្លើមធ្វើការលើសកម្លាំង និងប្រឈមនឹងជំងឺមហារីកដោយមិនដឹងខ្លួន៖
ដំបូងគឺ ទម្លាប់ញ៉ាំឆ្អែតពេក ឬញ៉ាំយប់ជ្រៅ ជាពិសេសអាហារសម្បូរជាតិខ្លាញ់ និងប្រូតេអ៊ីន ដែលបង្កើនបន្ទុកដល់ប្រព័ន្ធរំលាយអាហារ និងធ្វើឱ្យថ្លើមឡើងជាតិខ្លាញ់។ បន្ទាប់មកគឺ ទម្លាប់លេងទូរស័ព្ទមុនគេង ដែលធ្វើឱ្យរំខានដល់គុណភាពដំណេក និងរាំងស្ទះដល់ដំណើរការបញ្ចេញជាតិពុលរបស់ថ្លើមនៅពេលយប់។ ក្រៅពីនេះ ការរក្សាអារម្មណ៍អវិជ្ជមាន ដូចជាការខឹងសម្បារ ឬស្ត្រេសខ្លាំងមុនចូលគេង ក៏ប៉ះពាល់ដល់ចរន្តឈាមរត់ក្នុងថ្លើម និងធ្វើឱ្យកោសិកាថ្លើមចុះខ្សោយផងដែរ។ ជាចុងក្រោយ គឺទម្លាប់ផឹកគ្រឿងស្រវឹងដើម្បីឱ្យងាយគេងលក់ ដែលនេះគឺជាការយល់ច្រឡំដ៏គ្រោះថ្នាក់បំផុត ព្រោះជាតិអាល់កុលនឹងទៅបំផ្លាញកោសិកាថ្លើមដោយផ្ទាល់ នាំឱ្យកើតមានបញ្ហារលាក និងដុះសាច់មហារីកក្នុងរយៈពេលវែង។
ដើម្បីការពារថ្លើមឱ្យមានសុវត្ថិភាព លោកអ្នកគួរផ្លាស់ប្តូរមកចូលគេងឱ្យបានលឿន រក្សាចិត្តឱ្យសប្បាយរីករាយ និងជៀសវាងការញ៉ាំអាហារធ្ងន់ៗ ឬគ្រឿងស្រវឹងមុនពេលសម្រាក។ ការកែប្រែទម្លាប់តូចតាចទាំងនេះ គឺជាខែលការពារសុខភាពដ៏រឹងមាំបំផុតសម្រាប់រាងកាយទាំងមូល៕
ចែករំលែកព័តមាននេះ