ADផ្ទាំងផ្សព្វផ្សាយពាណិជ្ជកម្ម

Picture

សោកនាដកម្មផ្លូវដែកក្បែរក្រុងហ្សាការតា៖ រថភ្លើង២ខ្សែបុ.កគ្នា ​មនុស្ស១៤នាក់ស្លា.ប់ និង ៨៤​​នាក់​រង​របួស

6 ខែ មុន

​ឥណ្ឌូ​នេ​ស៊ី ៖ ប្រធានាធិបតី​ឥណ្ឌូ​នេ​ស៊ី​​បាន​ចេញ​បញ្ជា​ កាលពី​ថ្ងៃ​ទី​២៨ ​មេ​សា ឱ្យ​​បើក​ការ​ស៊ើ​ប​អង្កេត​មួយ បន្ទាប់​ពី​ការ​បុក​គ្នា​រវាង​រថភ្លើង​២​ខ្សែ​កាលពី​យប់​ថ្ងៃ​ទី​២៧ ​មេ​សា នៅ​ជិត​ក្រុង​ហ្សា​ការ​តា បណ្ដាល​ឲ្យ​មនុស្ស​ស្លាប់​យ៉ាងតិច​១៤​នាក់​ និង​ច្រើន​សិប​នាក់​រង​របួស​មក ​។

ប្រតិបត្តិការ​ជួយ​សង្គ្រោះ​មួយ​នៅ​បន្ត​រហូត​ដល់​ព្រឹក​ថ្ងៃ​ទី​២៨​ មេ​សា នៅ​ជិត​ស្ថានីយ​រថភ្លើង​BEKASI TIMUR ចម្ងាយ​២៥​គីឡូម៉ែត្រ​ ខាងកើត​រដ្ឋធានី​ហ្សា​រ​តា កន្លែង​ដែល​កើត​មាន​គ្រោះថ្នាក់​កាលពី​យប់​ថ្ងៃ​ទី​២៧​ មេ​សា ពេល​រថភ្លើង​រត់​ជាយក្រុង​១​ខ្សែ​ ដែល​ឈប់​ត្រូវ​បាន​បុក​ពីក្រោយ​ដោយ​​រថភ្លើង​ផ្លូវ​ឆ្ងាយ​មួយ​ខ្សែ​ ។

តាម​តុល្យការ​ចុង​ក្រោយ​ថា គ្រោះថ្នាក់​នោះ​​បណ្ដាល​ឲ្យ​មនុស្ស​ស្លាប់​សរុប​១៤​នាក់ ហើយ​មនុស្ស​៨៤​នាក់​រង​របួសធ្ងន់​ និង​ស្រាល​បញ្ជូន​ទៅ​ព្យាបាល​នៅ​មន្ទីរពេទ្យ​។ នេះ​ជា​ការ​អះអាង​របស់​ក្រុម​ហ៊ុន​ផ្លូវដែក​រដ្ឋ​KAI នា​ព្រឹក​ថ្ងៃ​ទី​២៨ ​មេ​សា​ ។

ជន​រង​គ្រោះ​ទាំងអស់​ ជា​អ្នក​ជិះ​ក្នុង​រថភ្លើង​ជាយក្រុង ហើយ​អ្នកដំណើរ​២៤០​នាក់​ ដែល​ជិះ​ក្នុង​រថភ្លើង​ផ្លូវ​ឆ្ងាយ ត្រូវ​បាន​ជម្លៀស​ចេញ​ដោយ​សុខ​សប្បាយ​ ។ ប្រមុខ​ប៉ូលិស​ក្រុង​ហ្សា​ការ​តា លោក​អា​សេ​ប​អេ​ឌី​ស៊ូ​ហេរ​ពន្យល់​ថា រថភ្លើង​ផ្លូវ​ឆ្ងាយ​បាន​បុក​ពីក្រោយ​ទូ​ចុង​គេ​នៃ​រថភ្លើង​ជាយក្រុង​សម្រាប់​នារី​ពេល​រថភ្លើង​នោះ​ឈប់​។ វា​ហាក់ដូចជា​មាន​រថយន្ត​តាក់​ស៊ី​មួយ​បុក​រថភ្លើង​ជាយក្រុង មុន​ពេល​រថភ្លើង​ផ្លូវ​ឆ្ងាយ​បុក​តាម​ក្រោយ​។

ប្រធានាធិបតី​ឥណ្ឌូ​នេស៊ី​ លោក​ប្រា​បា​វ៉ូ​ស៊ូ​ប៊ី​យ៉ា​ន់​តូ​ នា​ថ្ងៃ​ទី​២៨​ មេ​សា បាន​ទៅ​សួរសុខទុក្ខ​បណ្ដា​អ្នក​របួស​នៅ​មន្ទីរពេទ្យ​។ លោក​បាន​សម្ដែង​ការ​ចូលរួម​មរណៈទុក្ខ​ជាមួយ​សាច់ញាតិ​គ្រួសារ​ជន​រង​គ្រោះ​និង​ថ្លែង​ថា លោក​ចេញ​បញ្ជា​ឲ្យ​មានការ​ស៊ើប​អង្កេត​មួយ​ជា​បន្ទាន់ ​។ លោក​ក៏​បាន​ចេញ​បញ្ជា​​ដែរ​ឲ្យ​កសាង​ស្ពាន​ឆ្លងកាត់​ពីលើ​ផ្លូវដែក សម្រាប់​រថយន្ត​បើក​កាត់​ផ្លូវដែក​ ៕