ជនសង្ស័យ២នាក់ ត្រូវបានតុលាការសម្រេចដាក់ពន្ធនាគារបណ្តោះអាសន្ន ពាក់ព័ន្ធនឹងករណីលួ.ច ម៉ូតូ
- សៀមរាប
ខេត្តសៀមរាប ៖ លោក ឃី ឆៃ អនុប្រធាន និង ជា ចៅក្រមស៊ើបសួរ នៃសាលាដំបូងខេត្តសៀមរាប…
ខេត្តសៀមរាប ៖ លោក ឃី ឆៃ អនុប្រធាន និង ជា ចៅក្រមស៊ើបសួរ នៃសាលាដំបូងខេត្តសៀមរាប បានសម្រេចឃុំខ្លួន ជនសង្ស័យ ចំនួន ២ នាក់ ដាក់ពន្ធនាគារបណ្តោះអាសន្នកាលពី ថ្ងៃទី ១ ខែ កក្កដាឆ្នាំ២០២៥ ដែលជាមុខសញ្ញាលួចម៉ូតូដ៏សកម្ម ខណៈទើបចេញពីប្រពន្ធនាគារ មិនទាន់បានប៉ុន្មានផង ក៏ធ្វើសកម្មភាពលួចម៉ូតូបន្ថែមទៀតត្រូវបានកម្លាំងសមត្ថកិច្ចនគរបាលក្រុងសៀមរាប សហការជាមួយនគរបាលស្រុកសូទ្រនិគមន៍ បង្ក្រាប ភ្លាមៗផងដែរ។
បើតាមប្រភពពីសមត្ថកិច្ចជំនាញបានប្រាប់នូវថ្ងៃទី២ ខែ កក្កដាឆ្នាំ២០២៥នេះថា ប្រតិបត្តិការបង្ក្រាប បានជនសង្ស័យ ប្រុស ចំនួន ២ នាក់ ពាក់ព័ន្ធនឹងករណីអំពើលួច(លួចម៉ូតូ) មានស្ថានទម្ងន់ទោស ធ្វើឡើងនៅ ២ ទីតាំងផ្សេងគ្នា ក្នុងក្រុង សៀមរាប នៅស្រុកសូទ្រនិគម ខេត្តសៀមរាប ទទួលបានជោគជ័យនេះដោយមានការយកចិត្តទុកដាក់ជាប្រចាំពី សំណាក់ លោក ប្រាក់ សោភ័ណ អភិបាលខេត្តនិងជាប្រធានគណៈបញ្ជាការឯកភាពខេត្តសៀមរាប ស្តីពីការពង្រឹងសន្តិ សុខ សណ្តាប់ធ្នាប់សង្គម បង្កា បង្ក្រាបរាល់បទល្មេីសគ្រប់ប្រភេទ និងអនុវត្តតាមបទបញ្ជារបស់លោក ឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប។
ប្រភពបានបន្ថែមថា ករណីបង្ក្រាបអំពើលួច ម៉ូតូ នេះ បានកើតឡើង នៅ២ ទីតាំងផ្សេងគ្នា ទីតាំង ទី១ / ជនសង្ស័យ បានលួចម៉ូតូ កាលពី ថ្ងៃទី២៤ នៅស្រុកសូទ្រនិគម និង ទីតាំង ទី២ / នៅថ្ងៃទី២៨ ខែមិថុនា ឆ្នាំ ២០២៥ នៅក្នុងក្រុងសៀមរាប ។ ក្រោយពីទទួល បណ្តឹងពីជនរងគ្រោះ ភ្លាម ៗ កម្លាំងនៃអធិការនគរបាលក្រុងសៀមរាប បានបើកការស៊ើបអង្កេតស្រាវជ្រាវ នៅថ្ងៃទី២៩ ខែមិថុនា ឆ្នាំ២០២៥ បានចុះសហការជាមួយ កម្លាំងនៃអធិការដ្ឋាននគរបាលស្រុកសូទ្រនិគមចុះឃាត់ខ្លួនជនសង្ស័យបានម្នាក់ មានឈ្មោះ ព្រិន ជឿន ភេទប្រុស អាយុ៤២ឆ្នាំ រស់នៅក្នុងស្រុកសូទ្រនិគម ដែលជាមុខសញ្ញាធ្លាប់ជាប់ពន្ធនាគារចំនួន ០៣លើក ( ករណីអំពើលួចម៉ូតូ )បន្ទាប់មកជនសង្ស័យឈ្មោះ ព្រិន ជឿន បានឆ្លើយសារភាពថា ខ្លួននិងបក្ខពួកឈ្មោះ ឈឹម ហាន ហៅតាក្របីជុយ ភេទប្រុស បានធ្វើ សកម្មភាពលួចម៉ូតូក្នុងក្រុងសៀមរាបចំនួន០៣លើក ហើយនៅថ្ងៃទី៣០ ខែមិថុនា ឆ្នាំ២០២៥ កម្លាំងនៃអធិការដ្ឋាននគរ បាលក្រុងសៀមរាប បានស្រាវជ្រាវ រកឃើញ រហូតឈានដល់ឃាត់ខ្លួនជនសង្ស័យឈ្មោះឈឹម ហាន ហៅតាក្របីជុយ ដែលជាបក្ខពួក និង បានស្រាវជ្រាវរកឃើញម៉ូតូចំនួន០២ គ្រឿង ដែលជារបស់ជនរងគ្រោះ ។
ប្រភពបន្តថា ជនសង្ស័យ ឈ្មោះ ឈឹម ហាន ហៅតាក្របីជុយ បានឆ្លើយសារភាពថា ខ្លួនពិតជាធ្វើសកម្មភាពលួចម៉ូតូ ជាមួយបក្ខពួកឈ្មោះ ព្រិន ជឿន ពិតប្រាកដមែន។ ប្រភពពីសមត្ថកិច្ចបានបញ្ជាក់ទៀតថា បន្ទាប់ពីសមត្ថកិច្ចបានបង្ក្រាបក្រុមលួចម៉ូតូដ៏សកម្មនេះ បានដកហូតវត្ថុតាងម៉ូតូចំនួន០២ គ្រឿង៖ ទី ១/ ម៉ាកហុងដាឌ្រីម សេ១២៥ ពណ៌ខ្មៅ សេរីឆ្នាំ២០២៤ ពាក់ផ្លាកលេខ សៀមរាប 1AQ -7895 ដែលមានលេខតួ និងលេខម៉ាស៊ីន 0121508 ។ ទី២ /ម៉ាកហុងដាឌ្រីម សេរីឆ្នាំ ២០២២ ពណ៌ ខ្មៅ ពាក់ផ្លាកលេខ សៀមរាប 1AL-6172 មានលេខតួ/លេខម៉ាស៊ីន 6139687។
បច្ចុប្បន្ន ជនសង្ស័យ ទាំង ២ នាក់ ត្រូវបាន លោក ឃី ឆៃ អនុប្រធាន និង ជា ចៅក្រមស៊ើបសួរ នៃសាលាដំបូងខេត្ត សៀមរាប បានសម្រេច ឱ្យកម្លាំងនគរបាលការិយាលជំនាញដឹកយកទៅឃុំខ្លួន ដាក់ពន្ធនាគារបណ្តោះអាសន្ន នៅសង្កាត់ជ្រាវ ក្រុង ខេត្តសៀមរាប ។ ចំណែក ម៉ូតូ ២ គ្រឿង របស់ ជនរងគ្រោះ ត្រូវបាន កម្លាំងនគរបាល ជំនាញ ធ្វើការប្រគល់ ម៉ូតូ ឱ្យជនរងគ្រោះ វិញ អស់ ហើយ ។
សូមបញ្ជាក់ថា ករណីប្រតិបត្តិការបង្ក្រាប បានជនសង្ស័យ ប្រុស ចំនួន ២ នាក់ ពាក់ព័ន្ធនឹងករណីអំពើលួច(លួចម៉ូតូ) មានស្ថានទម្ងន់ទោស ធ្វើឡើងនៅ ២ ទីតាំងផ្សេងគ្នា ក្នុងក្រុង សៀមរាប នៅស្រុកសូទ្រនិគម ខេត្តសៀមរាប ផងដែរ ៕
ចែករំលែកព័តមាននេះ