ទេសចរចិនបាន ២៤ម៉ឺននាក់មកកម្ពុជាក្នុង បួនខែកន្លងមក
ក្រសួងទេសចរណ៍ បានអះអាងថា ក្នុងរយៈពេល៤ខែដំបូង នៃឆ្នាំ២០២៦ កម្ពុជាទទួលបានភ្ញៀវទេសចរចិនជាង២៤ម៉ឺននាក់ ឈរនៅលំដាប់ទី១ ។ ស្ថិតិនេះត្រូវបានបញ្ជាក់នៅពេលលោក ហួត ហាក់…
ក្រសួងទេសចរណ៍ បានអះអាងថា ក្នុងរយៈពេល៤ខែដំបូង នៃឆ្នាំ២០២៦ កម្ពុជាទទួលបានភ្ញៀវទេសចរចិនជាង២៤ម៉ឺននាក់ ឈរនៅលំដាប់ទី១ ។
ស្ថិតិនេះត្រូវបានបញ្ជាក់នៅពេលលោក ហួត ហាក់ រដ្ឋមន្ត្រីក្រសួងទេសចរណ៍ ចុះអនុស្សារណៈមួយដើម្បីផ្សព្វផ្សាយសក្តានុពលទេសចរណ៍ និងកាលានុវត្តភាពវិនិយោគរបស់កម្ពុជា ទៅកាន់ឆាកអន្តរជាតិ និងប្រទេសចិន កាលពីថ្ងៃទី១២ ខែឧសភា ឆ្នាំ២០២៦ ។
នៅក្នុងឱកាសនោះលោក ហួត ហាក់ បានបញ្ជាក់ថា ចិន គឺជាទីផ្សារទេសចរណ៍ដ៏មានសក្តានុពលរបស់កម្ពុជា ហើយដើម្បីលើកទឹកចិត្តដល់អ្នកទេសចរចិនឲ្យលេងនៅកម្ពុជាបន្តទៀត កម្ពុជា បានសម្រេចផ្តល់ការលើកលែងទិដ្ឋាការសម្រាប់ប្រជាជនចិន ដែលអាចស្នាក់នៅកម្ពុជាបានរយៈពេល១៤ថ្ងៃ ចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ ដើម្បីទាក់ទាញភ្ញៀវទេសចរចិនមកកម្ពុជា កាន់តែច្រើនក្នុងរដូវកាលបៃតង ។
កាលពីក្នុងឆ្នាំ២០២៥ កម្ពុជាទទួលបានភ្ញៀវទេសចរអន្តរជាតិប្រមាណ ៥,៥៧ លាននាក់ ក្នុងនោះភ្ញៀវទេសចរចិនមានជាង ១,២ លាននាក់ ៕
ចែករំលែកព័តមាននេះ