៥ថ្ងៃហើយ! យុវជនបា.ត់ខ្លួនលើភ្នំគីរម្យ បន្សល់ម៉ូតូ និងសំបុត្រ មិនទាន់រកឃើញទេ ខណៈសមត្ថកិច្ចចម្រុះនៅតែបន្តរុករក
- កំពង់ស្ពឺ
ខេត្តកំពង់ស្ពឺ៖ រយៈពេល៥ថ្ងៃកន្លងទៅហើយ បើយោងតាមសមត្ថកិច្ច និងបងប្រុបង្កើតរបស់ យុវជនដែលបានបាត់ខ្លួន មានឈ្មោះ រុំ និយាយថា ពេលនេះថ្ងៃទី២៤ ខែមិថុនា ឆ្នាំ២០២៦ រូបលោក និងកម្លាំងចំរុះកំពុងបន្តស្វែងប្អូនប្រុសឈ្មោះ សុខហេង ដែលបានបាត់ខ្លួនរយះពេល៥ថ្ងៃកន្លងមកនេះ។ លោករុំ បាននិយាយថា បើតាមមរយះវីដេអូបណ្តាំក្នុងទូរស័ព្ទដៃគឺប្អូនប្រុសរបស់លោក ឈ្មោះ សុខហេង មិនបាននិយាយអ្វីក្រៅតែគាត់មានជំងឺប្រចាំកាយ ហើយជំងឺនោះទៀតសោតក៏មិនដឹងថាជាជំងឺអីឲ្យពិតប្រាកដនោះដែរ ។ ចំណែកវីដេអូពេញ នៅមិនទាន់បានស្តាប់ខ្លឹមសារទាំងអស់នោះទេ ពីព្រោះទូរស័ព្ទ រលត់ភ្លើង(បានអស់ថ្ម) និងជាប់លេខកូដ ដែលបច្ចុប្បន្នទូរស័ព្ទកំពុងរក្សាទុកនគរបាលជំនាញនៅឡើយ ។
ការរុករករបស់សមត្ថកិច្ចចំរុះ បានប្រទះឃើញទីតាំងបោះតង់ និងស្បែងជើងរបស់យុវជនខាងលើ នៅចំណុះថ្មលយ ក្នុងឧទ្យាជាតិគីរីរម្យ ដែលជាតំបន់ទឹកធ្លាក់ដែលមានកម្ពស់ប្រមាណជិត២០០ម៉ែត្រឯណោះ។ រហូតមកដល់ពេលនេះសមត្ថកិច្ចចំរុះនៅមិនទាន់រកយុវជនដែលបាត់ខ្លួននៅឡើយទេ បើគិតត្រឹមល្ងាច ថ្ងៃទី២៤ ខែមិថុនា ឆ្នាំ២០២៦នេះ ។
សូមរំលឹកផងដែរថា ការប្រទះឃើញម៉ូតូ និងសំបុត្រមួយរបស់យុវជនម្នាក់បន្សល់ទុកចុងក្រោយ នៅវេលាម៉ោង៣ ននិង៣០នាទីរសៀលថ្ងៃទី១៩ ខែមិថុនា ឆ្នាំ២០២៦ ម៉ូតូម៉ាកហុងដា ADV ពាក់ផ្លាកលេខ ភ្នំពេញ 1LE-9373 នឹងមួកសុវត្ថិភាពនៅជាប់កញ្ចក់ គ្មានម្ចាស់ ស្ថិតនៅចំណុចផ្លូវលំបំបែកជាបីទៅក្រុមហ៊ុនវីរៈប៊ុនថាំ រមណីយដ្ឋានទេសចរណ៍ ស្ថិតក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ ។
សមត្ថកិច្ចបានបញ្ជាក់ថា÷ ក្រោយប្រទះឃើញ សមត្ថកិច្ចបានឆែកក្នុងម៉ូតូ បានរកឃេីញមានសម្ភារៈជាប់ម៉ូតូ នៅក្រោមកែបម៉ូតូមាន កាបូបស្ពាយពណ៌ខ្មៅ១ និងកាបូបយួរពណ៌ក្រហម១ កូនកាបូបដាក់លុយពណ៌ខ្មៅ១ ,ស្បែកជើងប៊ូពណ៌ខ្មៅ ,១គូម៉ាកLV ខ្សែក្រវ៉ាត់ពណ៌ខ្មៅ១ ,ទូរស័ព្ទមួយគ្រឿង ម៉ាកIPhone ពណ៌ស ,អត្តសញ្ញាណប័ណ្ណសញ្ជាតិខ្មែរមួយសន្លឹក ឈ្មោះ គន់ សុខហេង ភេទប្រុស កើតថ្ងៃទី ១ ខែ៦ ឆ្នាំ១៩៩៦ មានទីលំនៅបច្ចុប្បន្ន ភូមិជាលា ឃុំជាលា ស្រុកបាធាយ ខេត្តកំពង់ចាម ។ ហើយមានសំបុត្រ១សន្លឹក ដែលសរសេររៀបរាប់ ដែលមានន័យថា ” បើអ្នកបានឃើញសំបុត្រនេះមានន័យថា ខ្ញុំបានស្លាប់ហើយ សូមបងជួយយកម៉ូតូនេះឲ្យបងប្អូនខ្ញុំផង។ សោខ្ញុំទុកនិងម៉ូតូហើយ ខ្ញុំសូមអរគុណបង សូមជួយតេរកបងប្អូនខ្ញុំផង បងរុំ 0886552007 ប្អូនរឹត 081836536 សុំទោសដែលធ្វើឲ្យបងពិបាក មានវីដេអូក្នុងទូរស័ព្ទដែលជាការសម្រេចចិត្តចុងក្រោយបែបនេះ ម៉ូតូហ្នឹងមាន GPS គេអាចរកឃើញ ពីខ្ញុំ សុខហេង រួមមានសម្ភារៈខោអាវមួយចំនួនទៀត។
សមត្ថកិច្ចបានបញ្ជាក់ឱ្យដឹងទៀតថា បើតាមលោក រឹត ដែលត្រូវជាប្អូនម្ចាស់ម៉ូតូ ដោយគាត់បានលើកឡើងថា គាត់និងម្ចាស់ម៉ូតូមិនបានរស់ជាមួយគ្នាទេ ពោលគឺគាត់រស់ផ្សេង ចំណែកបងប្រុសម្ចាស់ម៉ូតូគាត់នៅលីវ ដូច្នេះរឿងបងគាត់ទុកលំបាកអីគាត់មិនបានដឹងឡើយ ។
តាមប្រភពបានបង្ហើបឲ្យដឹងថា ករណីនេះអាចទំនងជាយុវជន ម្ចាស់ម៉ូតូខាងលើ សង្ស័យធ្វើអត្តឃាតដោយលោតទឹកតំបន់ថ្មលយ នេះគ្រាន់តែជាសង្ស័យក្រៅផ្លូវការតែប៉ុណ្ណោះ ។ ប៉ុន្តែប្រសិនបើ ករណីនេះពិតដូចការសង្ស័យមែននោះ សូម្បីតែសាកសពក៏មិនអាចស្វែងរកឃើញនោះដែរ ពីព្រោះទំហំទឹកធំនិងមានកម្ពស់ខ្ពស់ខ្លាំងណាស់ ។ បើទោះបីជារយៈចំនួន៥ថ្ងៃកន្លងទៅហើយក្តី ក៏កម្លាំងសមត្ថកិច្ចចម្រុះ និងមន្ត្រីបរិស្ថាននៅប្រចាំការតំបន់នោះ នៅតែបន្ដស្វែងរកម្ចាស់សំបុត្រ ដោយមិនអស់សង្ឃឹមនោះឡើយ៕
ចែករំលែកព័តមាននេះ