ធុំក្លិនឈ្ងៀម និងឮសំឡេងផ្ទុះ លុះបុគ្គលិកភ្ញាក់ឡើងមើល ឃើញភ្លើងឆេះផ្ទះលក់សាំង និងស្តុកហ្គាសមួយខ្នង យ៉ាងសន្ធោសន្ធៅ
- ភ្នំពេញ
រាជធានីភ្នំពេញ ៖ ផ្ទះឈើលើថ្មក្រោមដែលជាកន្លែងលក់សាំងនិងហ្គាស ត្រូវអគ្គីភ័យឆាបឆេះសន្ធោសន្ធៅផ្អើលសមត្ថកិច្ចចេញរថយន្តពន្លត់អគ្គីភ័យអន្តរាគមន៍ កាលពីវេលាម៉ោង២និង៣០នាទីទៀបភ្លឺថ្ងៃទី២៥ ខែមិថុនា ឆ្នាំ២០២៦ ចំនុចលក់ហ្គាសនិងសាំង ២៤ម៉ោង តាមបណ្ដោយផ្លូវជាតិលេខ២ ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ប្រភពពីកន្លែងកើតហេតុ បានអោយដឹងថា នៅមុនពេលកើតហេតុ ទីតាំងខាងលើ បានបិទទ្វារនៅម៉ោង១០យប់ ហើយនៅក្នុងផ្ទះដែលឆេះធ្វើអំពីឈើលើថ្មក្រោម ដោយមានបុរសម្នាក់ជាបុគ្គលិកដេកចាំនៅទីនោះ ខណៈពេលកំពុងតែលង់លក់ ដូចសព្វដង ស្រាប់តែនៅវេលាកើតហេតុមានធុំក្លិនឈ្ងៀម នៅឮសំឡេងផ្ទុះ ទើបងើបមកមើល ដឹងថាមានភ្លើងឆេះយ៉ាងសន្ធោសន្ធៅបាត់ទៅហើយ បង្កការភ្ញាក់ផ្អើលដល់ប្រជាពលេដ្ឋជិតខាង ទូរសព្ទ័ទៅសមត្ថកិច្ចជំនាញបង្ការពន្លត់អគ្គីភ័យចេញរថយន្ដអន្ដរាគមន៍ និងអ្នកខ្លះយកបំពង់ពន្លត់អគ្គិភ័យជួយបាញ់ពន្លត់បឋមផងដែរ ។
បន្ទាប់ពីកើតហេតុមានរថយន្តពន្លត់អគ្គីភ័យចំនួន៥គ្រឿង ចុះទៅកន្លែងកើតហេតុ ក្នុងនោះមានរថយន្តរបស់ការិយាល័យបង្ការនិងពន្លត់អគ្គីភ័យនៃស្នងការដ្ឋាននគរបាលរាជធានីភ្នំពេញចំនួន៤គ្រឿង រថយន្តជំនួយរបស់ក្រុមហ៊ុនស្រាបៀរ១គ្រឿង បានសហការ គ្នាបាញ់ពន្លត់ហើយដល់ម៉ោង ជិត៣ភ្លឺទើបភ្លើងរលត់ទៅវិញ ។
ប្រភពពីសមត្ថកិច្ចបានអោយដឹងថា ទីតាំងដែលរងគ្រោះដោយអគ្គីភ័យ ជាកន្លែងលក់សាំងនិងហ្គាស ហើយផ្ទះប្រភេទផ្ទះឈើលើថ្មក្រោម រងការខូចខាតស្ទើរអស់ទាំងស្រុង សមត្ថកិច្ចសន្ឋិដ្ឋានបឋមអគ្គីភ័យនេះ អាចមកពីឆ្លងចរន្ដអគ្គីសនីទើបបង្កទៅជាអគ្គីភ័យបែបនេះ ក្នុងហេតុការណ៍នេះមិនបណ្ដាលអោយមានប្រជាពលរដ្ឋរងរបួសនិង មិនរាលដាល ដល់ផ្ទះសំបែងផ្សេងៗទៀត សំណាងល្អបំផុត គឺមិនផ្ទុះស៊ីទែនស្កុកហ្គាស ដែលនៅជាប់ផ្ទះដែរឆេះនោះ ៕
ចែករំលែកព័តមាននេះ