ឃាត់ខ្លួនជនសង្ស័យ២នាក់ធ្វើសកម្មភាពលួចឌីណាម៉ូម៉ាស៊ីនភ្លើង១គ្រឿង
- បន្ទាយមានជ័យ
ខេត្តបន្ទាយមានជ័យ ៖ ឃាត់ខ្លួនជនសង្ស័យ២នាក់ធ្វើសកម្មភាពលួចឌីណាម៉ូម៉ាស៊ីនភ្លើង១គ្រឿងត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី២៣ ខែមិថុនា ឆ្នាំ២០២៦។
លោកអនុសេនីយ៍ឯក តិល តៃលីវ មេបញ្ជាកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យ២នាក់មាន១.ឈ្មោះ ទូច អឿន ភេទប្រុសអាយុ២០ឆ្នាំ ២.ឈ្មោះ ថន សេងអេង ភេទប្រុសអាយុ២៣ឆ្នាំដែលស្នាក់នៅភូមិកូបធំ សង្កាត់និមិត្ត ក្រុងប៉ោយប៉ែត។
លោកបានបញ្ជាក់ថា៖ក្រោយទទួលបណ្តឹងឈ្មោះ តាប់ គឹមទី ភេទប្រុសអាយុ២៧ឆ្នាំរស់នៅភូមិជាមួយគ្នាបានចោទប្រកាន់ជនសង្ស័យ២នាក់ខាងលើបានធ្វើសកម្មភាពលួចឌីណាម៉ូម៉ាស៊ីនភ្លើង១កាលពីថ្ងៃទី២១ ខែមិថុនា ឆ្នាំ២០២៦នៅចំណុចភូមិកូបធំ សង្កាត់និមិត្ត ក្រុងប៉ោយប៉ែត។
លោកអនុសេនីយ៍ឯក តិល តៃលីវ បានបញ្ជាក់ថា៖ក្រោយទទួលបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានស្រាវជ្រាវហើយកំណត់មុខសញ្ញាឃាត់ខ្លួនជនសង្ស័យ២នាក់និងយកបានឌីណាម៉ូ១គ្រឿងកាលពីថ្ងៃទី២២ ខែមិថុនា ឆ្នាំ២០២៦នៅភូមិកូប សង្កាត់និមិត្ត ក្រុងប៉ោយប៉ែត ក្រោយនាំយកសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យអនុវត្តន៍តាមច្បាប់ ៕
ចែករំលែកព័តមាននេះ