ប្រទេសបារាំងបានបញ្ជាក់ពីករណីឆ្លងជំងឺអេបូឡាដំបូងរបស់ខ្លួនដែលជាវេជ្ជបណ្ឌិតម្នាក់បានវិលត្រឡប់មកពីបេសកកម្មមនុស្សធម៌នៅសាធារណរដ្ឋប្រជាធិបតេយ្យកុងហ្គោ។ នេះបើយោងតាមការផ្សាយរបស់ BBC News ។
ក្រសួងសុខាភិបាលបារាំងបាននិយាយកាលពីថ្ងៃពុធថា វេជ្ជបណ្ឌិតរូបនេះ ត្រូវបាន«បញ្ជូនទៅមន្ទីរពេទ្យឯកទេសភ្លាមៗ» ហើយស្ថិតក្នុងស្ថានភាពមានស្ថេរភាព ។ សាធារណរដ្ឋប្រជាធិបតេយ្យកុងហ្គោ បានប្រកាសពីការផ្ទុះឡើងនៃជំងឺអេបូឡា កាលពីខែមុន ប៉ុន្តែអ្នកជំនាញជឿថា វីរុសនេះបានចរាចរណ៍អស់រយៈពេលជាច្រើនសប្តាហ៍មកហើយ។
មនុស្សជាង២៦០នាក់ ត្រូវបានបញ្ជាក់ថា បានស្លាប់ដោយសារវីរុសនេះ នៅក្នុងប្រទេសអាហ្វ្រិកកណ្តាល ខណៈដែលមនុស្ស១.០០០នាក់បានឆ្លងមេរោគនេះ។
នេះជាករណីអេបូឡាដំបូងគេដែលត្រូវបានបញ្ជាក់នៅអឺរ៉ុប ទោះបីជាវេជ្ជបណ្ឌិតអាមេរិកម្នាក់ដែលបានធ្វើតេស្តវិជ្ជមាននៅសាធារណរដ្ឋប្រជាធិបតេយ្យកុងហ្គោ ត្រូវបានព្យាបាលនៅមន្ទីរពេទ្យអាល្លឺម៉ង់ កាលពីខែមុនក៏ដោយ ។
ប្រទេសអ៊ូហ្គង់ដា ដែលជាប្រទេសជិតខាងរបស់សាធារណរដ្ឋប្រជាធិបតេយ្យកុងហ្គោ ក៏បានបញ្ជាក់ពីករណីជំងឺអេបូឡាផងដែរ ។
អង្គការសុខភាពពិភពលោក (WHO) និយាយថា មនុស្ស២០នាក់ត្រូវបានគេដឹងថាបានឆ្លងមេរោគនៅទីនោះ និងមានមនុស្សស្លាប់ពីរនាក់ត្រូវបានបញ្ជាក់ ។
ចែករំលែកព័តមាននេះ