ជាករណីនៅវៀតណាម ប៉ុន្តែក៏អាចជាមេរៀនសម្រាប់អ្នកហូបចុកនៅកម្ពុជា ពីព្រោះសារធាតុគីមី និងល្បិចជនខិលខូចឥឡូវពូកែ ដោយសូម្បីតែសាច់ជ្រូក ក៏អាចកែច្នៃបន្លំធ្វើសាច់គោបានដែរ ។ កាសែត VN Express…
ជាករណីនៅវៀតណាម ប៉ុន្តែក៏អាចជាមេរៀនសម្រាប់អ្នកហូបចុកនៅកម្ពុជា ពីព្រោះសារធាតុគីមី និងល្បិចជនខិលខូចឥឡូវពូកែ ដោយសូម្បីតែសាច់ជ្រូក ក៏អាចកែច្នៃបន្លំធ្វើសាច់គោបានដែរ ។
កាសែត VN Express វៀតណាម បានរាយការណ៍ថា ប៉ូលិសក្រុងហូជីមិញ បានចាប់ខ្លួនបុរស២នាក់ ដែលត្រូវបានចោទប្រកាន់ពីបទចែកចាយសាច់ជ្រូក ចំនួន១៥តោន ដែលគេយកវាទៅត្រាំក្នុងឈាមជ្រូក និងសារធាតុគីមីហាមឃាត់ ក្លាយជាសាច់គោ ។
សាច់ជ្រូកវៃសឺរ៉ា ទៅជាសាច់គោនោះ ត្រូវបានគេដឹងថា គឺត្រូវគេកាត់ជាដុំៗ រួចយកវាទៅត្រាំនៅក្នុងទឹកសូលុយស្យុង សូដ្យូមមេតាប៊ីស៊ុលហ្វីត (sodium metabisulfite) ដើម្បីកាត់ក្លិនសាច់ជ្រូក និងបំបែកវាយសរសៃនៃសាច់ជ្រូកឲ្យទៅជាសរសៃសាច់គោ ហើយទើបយកវាទៅត្រាំនៅក្នុងឈាមដើម្បីឲ្យវាក្រហម ។
ដំណើរការបែបនេះ ត្រូវគេសង្ស័យថា បានធ្វើតាំងពីឆ្នាំ២០០៤ ហើយអាចកែច្នៃសាច់ជ្រូកទៅជាសាច់គោប្រមាណជា១៤០ គីឡូក្រាមនៅក្នុងមួយថ្ងៃ ៕
ចែករំលែកព័តមាននេះ