ប្រទេសរុស្ស៊ី ៖ ទីភ្នាក់ងារព័ត៌មាន TASS រាយការណ៍នាថ្ងៃទី៨មករាថា ប្រទេសរុស្ស៊ីនាពេលបច្ចុប្បន្នបានផលិតមីស៊ីលបណ្ដែតធុន KALIBR-M ដែលអាចបាញ់បានចម្ងាយដល់ជាង៤៥០០គីឡូម៉ែត្រ និងអាចផ្ទុកក្បាលគ្រាប់ធម្មតានិងក្បាលគ្រាប់នុយក្លេអ៊ែរ។ យោងតាមប្រភពមួយនៃឧស្សាហកម្មយោធារុស្ស៊ី…
ប្រទេសរុស្ស៊ី ៖ ទីភ្នាក់ងារព័ត៌មាន TASS រាយការណ៍នាថ្ងៃទី៨មករាថា ប្រទេសរុស្ស៊ីនាពេលបច្ចុប្បន្នបានផលិតមីស៊ីលបណ្ដែតធុន KALIBR-M ដែលអាចបាញ់បានចម្ងាយដល់ជាង៤៥០០គីឡូម៉ែត្រ និងអាចផ្ទុកក្បាលគ្រាប់ធម្មតានិងក្បាលគ្រាប់នុយក្លេអ៊ែរ។
យោងតាមប្រភពមួយនៃឧស្សាហកម្មយោធារុស្ស៊ី ដកស្រង់ដោយទីភ្នាក់ងារព័ត៌មានTASSថា មីស៊ីលថ្មីនោះដែលច្នៃពីមីស៊ីល KALIBR ប្រើនាពេលបច្ចុប្បន្ននឹងយកទៅបំពាក់ឲ្យបណ្ដានាវាចម្បាំងធំៗ ព្រមទាំងបណ្ដានាវាមុជទឹកនុយក្លេអ៊ែរ រហូតដល់ឆ្នាំ២០២៧។ ក្រសួងការពារប្រទេសរុស្ស៊ីបានផ្ដល់ហិរញ្ញវត្ថុសម្រាប់បង្កើតមីស៊ីលនោះដែលមានក្បាលគ្រាប់កាន់តែធំ ដល់ជិត១តោនហើយប្រើសម្រាប់កម្ទេចបណ្ដាគោលដៅលើដី។
ចម្ងាយរត់របស់មីស៊ីលKALIBR បច្ចុប្បន្នត្រឹមប្រមាណ២០០០គីឡូម៉ែត្រ ហើយអាចហោះហើរក្នុងល្បឿនលឿនជាងសំឡេងច្រើនដង។ កងម៉ារីនរុស្សុីនៅសមុទ្រមេឌីទែរ៉ាណេធ្លាប់ប្រើមីស៊ីលនោះវាយប្រហារ ពួកភេរវករក្រុមរដ្ឋអ៊ិស្លាមនៅស៊ីរី៕
ចែករំលែកព័តមាននេះ