ខណៈមាន​​មនុស្ស​រញ៉េរញ៉ៃ​ពេញ​ផ្លូវ ឃាត់​ឆែក​រក​ឃើញ​ក្នុង​ហោប៉ៅ និង​កំប៉ុង​តូច​…


រាជធានី​ភ្នំពេញ ៖ កំលាំង​នគរបាល​អន្តរាគមន៍​ខណ្ឌ​ពោធិ៍​សែន​ជ័យ​បាន​សហការ​ជាមួយ​កំលាំង​នគរបាល​ប៉ុស្តិ៍​ល្បាត​ពួនស្ទាក់​ឃាត់ខ្លួន​ជនសង្ស័យ​ជា​អ្នក​ចែកចាយ​ថ្នាំ​ញៀន​ចំនួន​២​នាក់ រួម​ទាំង​ថ្នាំ​ញៀន​ចំនួន​៩​កញ្ចប់ ដែល​ហេតុការណ៍​នេះ​បង្ក​ឲ្យ​មានការ​ភ្ញាក់ផ្អើល​កាល​វេលា​ម៉ោង​៩​នឹង​៥០​នាទី​យប់​ថ្ងៃ​ទី​៨ ខែមករា ឆ្នាំ​២០១៩ នៅ​តាម​បណ្ដោយ​ផ្លូវ​វេ​ង​ស្រេង ទល់មុខក្លិប​មិត​ណាយ ស្ថិត​នៅ​ភូមិ​ត្រពាំង​ថ្លឹង សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ ។

ជនសង្ស័យ​ទាំង​២​នាក់​ខាងលើ ម្នាក់​ឈ្មោះ គី​ង ជាក់​ឡេ​ង ភេទ​ប្រុស អាយុ​១៩​ឆ្នាំ ជា​អ្នក​ចែកចាយ​ថ្នាំ​ញៀន ស្នាក់​នៅ​មិន​ពិតប្រាកដ មានស្រុក​កំណើត​នៅ​ស្រុក​កោះសូទិន ខេត្តកំពង់ចាម និង​បុរស​ម្នាក់​ទៀត​ដោយ​មិន​បាន​ប្រាប់​ឈ្មោះ ជា​អ្នក​រត់​ម៉ូតូ​កង់​បី ។

តាម​ប្រភព​ព័ត៌មាន​ពី​សមត្ថកិច្ច​បានអោយ​ដឹង​ថា នៅ​មុន​ពេល​កើតហេតុ កំលាំង​នគរបាល​អន្តរាគមន៍​ខណ្ឌ​ពោធិ៍​សែន​ជ័យ​បាន​សហការ​ជាមួយ​កំលាំង​នគរបាល​ប៉ុស្តិ៍​ចោម​ចៅ​ទី​១​មាន​គ្នា​ចំនួន​១២​នាក់​បាន​ចេញ​ល្បាត​នៅ​ក្នុងភូមិ​សាស្ត្រ​ខាងលើ លុះ​សមត្ថកិច្ច​ល្បាត​មក​ដល់​ចំណុច​មុខ​ក្លិប​មិត​ណាយ មើលទៅ​មាន​មនុស្ស​រញ៉េរញ៉ៃ​ពេញ​ផ្លូវ ដោយ​មានការ​សង្ស័យ បាន​ឆែកឆេរ​យុវជន​មួយ​ចំនួន ក្នុង​នោះ​រក​ឃើញ​ថ្នាំ​ញៀន​នៅ​នឹង​ជនសង្ស័យ​ខាងលើ​ដែល​ដាក់​ក្នុង​ហោប៉ៅ និង​កំប៉ុង​តូច បន្ទាប់​មក​សមត្ថកិច្ច​បាន​ធ្វើការ​ឃាត់ខ្លួន​ជនសង្ស័យ​ភ្លាម​ៗ​ចំនួន​២​នាក់​ផង​ដែរ ។

បន្ទាប់​ពី​សមត្ថកិច្ច​ឃាត់ខ្លួន ជនសង្ស័យ​ខាងលើ​បាន​សារភាព​ថា ខ្លួន​ពិតជា​អ្នក​ចែកចាយ​ថ្នាំ​ញៀន ប្រាកដ​មែន ហើយ​ទើបនឹង​លក់​បាន​២​កញ្ចប់​តែ​ប៉ុណ្ណោះ​។

ក្រោយ​ពេល​កើតហេតុ ជនសង្ស័យ​ទាំង​២​នាក់​ត្រូវ​បាន​សមត្ថកិច្ច​អន្តរាគមន៍​ខណ្ឌ​ពោធិ៍​សែន​ជ័យ​បញ្ជូន​ទៅ​ផ្នែក​ជំ​ន​ញ​ព្រហ្មទណ្ឌ​ខណ្ឌ​ពោធិ៍​សែន​ជ័យ​ដើម្បី​ចាត់ការ​តាម​នីតិវិធី ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សន្ដិសុខ​សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ