ខេត្តកណ្តាល ៖ យប់ថ្ងៃឆ្លងឆ្នាំ រាប់ថយក្រោយ (ខោនដោន) ស្រាប់តែបើកឆាកប្រយុទ្ធគ្នា ផ្អើលពេញផ្លូវនៅក្រុងតាខ្មៅ ត្រូវសមត្ថកិច្ចឃាត់ខ្លួនបាន ម្នាក់ ក្នុងចំណោមបក្ខពួកទាំង…
ខេត្តកណ្តាល ៖ យប់ថ្ងៃឆ្លងឆ្នាំ រាប់ថយក្រោយ (ខោនដោន) ស្រាប់តែបើកឆាកប្រយុទ្ធគ្នា ផ្អើលពេញផ្លូវនៅក្រុងតាខ្មៅ ត្រូវសមត្ថកិច្ចឃាត់ខ្លួនបាន ម្នាក់ ក្នុងចំណោមបក្ខពួកទាំង ៧នាក់ ។
ហេតុការណ៍នេះបានកើតឡើងនៅវេលាម៉ោង០១និង០០នាទីថ្ងៃទី០១ខែមករា ឆ្នាំ២០២៦ ចំណុចមាត់ស្ទឹងភូមិដើមមៀន១ សង្កាត់ដើមមៀន ក្រុងតាខ្មៅ ខេត្តកណ្តាល។
សមត្ថកិច្ចបានឲ្យដឹងថា ជនរងគ្រោះមានឈ្មោះ ម៉ិ ម៉េងហុង ភេទប្រុស អាយុ២៤ឆ្នាំ ជនជាតិខ្មែរ រស់នៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរ លក់ដូរ។
ចំណែកជនសង្ស័យ០៧នាក់៖
១-ឈ្មោះ យូ គីរ័ត្ន ភេទប្រុស អាយុ២៨ឆ្នាំ មុខរបរសន្តិសុខអគ្គីសនី រស់នៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ ភ្នំពេញ (ឃាត់ខ្លួន)។
-ជនសង្ស័យអវិជ្ជមាននូវសារធាតុញៀន(-)។
២-ឈ្មោះ រក្សា ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិលេខ៣ សង្កាត់ចាក់អង្រែក្រោម ខណ្ឌមានជ័យ ភ្នំពេញ(គេចខ្លួន)។
៣-ឈ្មោះ ណេត ភេទប្រុស អាយុ២១ឆ្នាំ មុខរបរអ្នកដឹកជញ្ចូន រស់នៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល (គេចខ្លួន)។
៤-ឈ្មោះ ឡុង ភេទប្រុស អាយុ២៥ឆ្នាំ មុខរបរ រត់ផាស់អាប់ រស់នៅភូមិសង្កាត់ចាក់អង្រែក្រោម ខណ្ឌមានជ័យ ភ្នំពេញ(គេចខ្លួន)។
៥-ឈ្មោះ ឡា ភេទប្រុស អាយុ៣៦ឆ្នាំ មុខរបរមិនពិតប្រាកដ រស់នៅភូមិសង្កាត់ចាក់អង្រែលើ ខណ្ឌមានជ័យ ភ្នំពេញ(គេចខ្លួន)។
៦-ឈ្មោះ អាបុី ភេទប្រុស អាយុ៤០ឆ្នាំ មុខរបរមិនពិតប្រាកដ រស់នៅភូមិសង្កាត់ចាក់អង្រែលើ ខណ្ឌមានជ័យ ភ្នំពេញ(គេចខ្លួន)
៧-មិនស្គាល់អត្តសញ្ញាណ(គេចខ្លួន)។
ក្នុងនោះសមត្ថកិច្ចដកហូត វត្ថុតាងចាប់យក មួកការពារសុវិត្តិភាពចំនួន០១ និងបណ្តាលជនរងគ្រោះមានស្នាមរបួសត្រង់ក្បាលរយះចេញឈាម។
សមត្ថកិច្ចបានឲ្យដឹងទៀតថា មុនពេលកើតហេតុ ជនរងគ្រោះនិងប្រពន្ធបាននាំគ្នាមកផឹកស៊ីក្នុងយប់ឆ្លងឆ្នាំថ្មីនៅក្នុងផ្ទះរបស់ខ្លួនភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ក្រោយមកជនរងគ្រោះបានអស់សាច់ក្លែមក៏ជិះម៉ូតូមកទិញនៅមាត់ស្ទឹងដើមមៀនក្រុងតាខ្មៅ ខេត្តកណ្តាល ។ លុះដល់ចូលថ្ងៃទី០១ខែ មករា ឆ្នាំ២០២៦ វេលាម៉ោង ០១និង០០នាទី ខណៈជនរងគ្រោះបានមកដល់កន្លែងលក់សាច់ក្លែមមាត់ស្ទឹងដើមមៀន ក៏មានបក្ខពួករបស់ជនសង្ស័យម្នាក់ត្រូវជាមិត្តភ័ក្តរបស់ជនរងគ្រោះឈ្មោះ ថេ យ៉ាង ភេទប្រុស អាយុ៣០ឆ្នាំ បានស្រែកហៅជនរងគ្រោះ ឃើញដូចនោះជនរងគ្រោះបានដើរសំដៅទៅរក ឈ្មោះ ថេ យ៉ាង ហើយក៏សួរថាមានអីមែន ហើយមានបានឃើញប្អូនប្រុសរបស់ខ្ញុំអត់ ភ្លាមនោះ ក៏មានជនសង្ស័យម្នាក់ឈ្មោះប៉ី បានស្រែកមកកាន់ជនរងគ្រោះថា ហែងរកវាធ្វើអី? គ្រាន់តែលឺដូចនោះ ក្រុមជនសង្ស័យបាននាំគ្នាជិះម៉ូតូចូលមកស្ទុះមកវាយជនរងគ្រោះដោយមិនដឹងមូលហេតុ ដោយជនសង្ស័យឈ្មោះយូគីរ័ត្នបានយកមួកសុវត្តិភាពវាយក្បាលនិងសង្កត់មកលើជនរងគ្រោះ ហើយជនរងគ្រោះខំប្រឹងរើបំរាស់រត់ចេញតែត្រូវបានជនសង្ស័យឈ្មោះយូ គីរ័ត្ន និងបក្ខពួកដេញវាយបន្ថែមទៀត រហូតដល់សមត្ថកិច្ចចុះមកអន្តរាគមន៍ឃាត់ខ្លួនបានម្នាក់រួមទាំងវត្ថុតាងយកមកសួរនាំនៅប៉ុស្តិ៍និងកសាងសំណុំរឿងចាត់ការតាមនីតិវីធី។
នៅចំពោះមុខសមត្ថកិច្ចជនសង្ស័យបានឆ្លើយសារភាពថាខ្លួននិងបក្ខពួកពិតជាបាននាំគ្នាធ្វើសកម្មភាពវាយទៅលើជនរងគ្រោះឈ្មោះម៉ិ ម៉េងហុង ប្រាកដមែន។
បច្ចុប្បន្ន ជនសង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅដើម្បីកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ