ADផ្ទាំងផ្សព្វផ្សាយពាណិជ្ជកម្ម

Picture

បុរស​ជនជាតិ​ឥណ្ឌា​ម្នាក់​ស្លា.ប់​ក្នុង​មន្ទីរពេទ្យ​ខេត្ត​គ្មាន​សាច់ញាតិ

5 ឆ្នាំ មុន
  • រតនគិរី

ខេត្តរតនគិរី ៖ បុរស​ជា​ជនជាតិ​ឥណ្ឌា​ម្នាក់​បាន​ស្លាប់​នៅ​មន្ទីរពេទ្យ​បង្អែក​ខេត្ត​ដោយសារ​ជំងឺ​ទៀច​ទឹក ដែល​ហេតុការណ៍​នេះ​បាន​កើតឡើង​កាល​វេលា​ម៉ោង​៧​និង​១៥​នាទី​ព្រឹក​ថ្ងៃ​ទី​៣ ខែ មក​រា ឆ្នាំ​២០១៩ ។ បើ​តាម​របាយការណ៍​សមត្ថកិច្ច​ប៉ូលិស​ជំនាញ​បានអោយ​ដឹង​ថា ជន​រង​គ្រោះ​ដែល​ស្លាប់​ឈ្មោះ…

ខេត្តរតនគិរី ៖ បុរស​ជា​ជនជាតិ​ឥណ្ឌា​ម្នាក់​បាន​ស្លាប់​នៅ​មន្ទីរពេទ្យ​បង្អែក​ខេត្ត​ដោយសារ​ជំងឺ​ទៀច​ទឹក ដែល​ហេតុការណ៍​នេះ​បាន​កើតឡើង​កាល​វេលា​ម៉ោង​៧​និង​១៥​នាទី​ព្រឹក​ថ្ងៃ​ទី​៣ ខែ មក​រា ឆ្នាំ​២០១៩ ។

បើ​តាម​របាយការណ៍​សមត្ថកិច្ច​ប៉ូលិស​ជំនាញ​បានអោយ​ដឹង​ថា ជន​រង​គ្រោះ​ដែល​ស្លាប់​ឈ្មោះ រាំ ប្រា​តាប់ ភេទ​ប្រុស អាយុ​៣៨​ឆ្នាំ ជា​ជនជាតិ​ឥណ្ឌា មុខរបរ​លក់​ខោអាវ កាន់​លិ​ខិ​ឆ្លង​ដែន​លេខ​ Z2018999 ចូល​មក​ស្នាក់​នៅ​ប្រទេស​កម្ពុជា​នៅ​ឆ្នាំ​២០១៧ ស្នាក់​នៅ​ក្នុងភូមិ​ទេស​អន្លុង សង្កាត់​បឹង​កន្សែង ក្រុង​បាន​លុង ។

បើ​តាម​ការ​តាមដាន​របស់​សមត្ថកិច្ច​បាន​បញ្ជាក់​បន្ថែម​ទៀត​ថា បុរស​ជា​ជនជាតិ​ឥណ្ឌា​ខាងលើ​នេះ​មាន​ជំងឺ​ទៀច​ទឹក​រយៈពេល​១​ឆ្នាំ​មក​ហើយ ទើបតែ​ទៅ​សម្រាក​ព្យាបាល​នៅ​មន្ទីរពេទ្យ​បង្អែក​ខេត្ត​កាលពី​ថ្ងៃ​ទី​២៤ ខែធ្នូ ឆ្នាំ​២០១៨ ដោយ​គ្មាន​សាច់ញាតិ​បងប្អូន​ណា​ទៅ​ជួយ​មើលថែ​នោះ​ទេ មាន​តែ​មន្ត្រី​ពេទ្យ​ជួយ​មើលថែ​គាត់​យ៉ាង​យកចិត្តទុកដាក់។

គ្រូពេទ្យ​បាន​បញ្ជាក់​ប្រាប់​កោះសន្តិភាព​ថា មូលហេតុ​ដែល​បណ្តាល​ឱ្យ​បុរស​ជា​ជនជាតិ​ឥណ្ឌា​ខាងលើ​ស្លាប់​នោះ គឺ​ជំងឺ​របស់​គាត់​បាន​កើត​ឡើងជា​យូរ​ឆ្នាំ​មក​ហើយ និង​ធ្ងន់ធ្ងរ​ពេក ទើប​គ្រូពេទ្យ​មិន​អាច​ជួយ​សង្គ្រោះ​គាត់​បាន​។

សមត្ថកិច្ច​បាន​បន្ត​ទៀត​ថា ក្រោយ​ពី​ពិនិត្យ និង​ធ្វើ​កោសល្យ​វិ​ច្ច័​យ​រួច សព​ត្រូវ​បាន​តម្កល់​ទុក​នៅ​មន្ទីរពេទ្យ​បង្អែក​ខេត្ត ដើម្បី​រង់ចាំ​ទំនាក់ទំនង​ជាមួយ​ស្ថានទូត​ឥណ្ឌា និង​រង​ចាំ​សាច់ញាតិ​មក​ទទួលយក​សព​ទៅ​ធ្វើបុណ្យ​តាម​ប្រពៃណី ៕

អត្ថបទសរសេរ ដោយ

កែសម្រួលដោយ