ខេត្តព្រះសីហនុ ៖ នៅរសៀលថ្ងៃទី២ មករា ២០១៩នេះ លោកអភិបាលស្រុក សរ កក្កដា បានថ្លែងសាទរដល់ពលរដ្ឋ និងអាជីវករដែលនៅស្របតាមបណ្តោយផ្លូវជាតិលេខ៤…
ខេត្តព្រះសីហនុ ៖ នៅរសៀលថ្ងៃទី២ មករា ២០១៩នេះ លោកអភិបាលស្រុក សរ កក្កដា បានថ្លែងសាទរដល់ពលរដ្ឋ និងអាជីវករដែលនៅស្របតាមបណ្តោយផ្លូវជាតិលេខ៤ ត្រង់ចំណុចប្រជុំជនវាលរេញ ដែលបានចូលរួមសហការជាមួយអាជ្ញាធរស្រុកក្នុងការរៀបចំសណ្តាប់ធ្នាប់តាមបណ្តោយផ្លូវជាតិ ត្រង់ចំណុចនោះ បន្ទាប់ពីមានការជូនដំណឹងពីសំណាក់រដ្ឋបាលស្រុករួចមក ។
លោកអភិបាលស្រុកបានថ្លែងបន្តថា តបតាមការជូនដំណឹងរបស់រដ្ឋបាលស្រុក ឃើញថាពលរដ្ឋ អាជីវករមានការយល់ដឹងច្រើន ដោយពួកគាត់ដែលធ្លាប់លក់ដូរ ដូចជាលក់សម្ភារៈគ្រឿងសំណង់ ចតម៉ូតូ រថយន្ត ត្រូវបានអនុវត្តន៍តាមការណែនាំរបស់ក្រុមកាងារ បានដកថយរើចេញពីលើចំណីផ្លូវ ធ្វើអោយសណ្តាប់ធ្នាប់ចរាចរណ៍នៅចំណុចនោះមានភាពទូលាយ ជាមួយនឹងការក្រាលអ៊ុតកៅស៊ូពង្រីងចិញ្ចើមផ្លូវជាតិទាំងសង
ខាងផងដែរ។
លោកអភិបាលបានបន្ថែមថា ទោះបីយ៉ាងនេះក្តី ក្រៅពីអរគុណ លោកក៏បានអំពាវបន្ថែមផងដែរ សូមអោយពលរដ្ឋ អាជីវករ បន្តសហការតាមការណែនាំនេះរហូត ដើម្បីឱ្យសណ្តាប់ធ្នាប់ សោភ័ណ្ឌភាព និងបរិស្ថានបានស្អាតនៅក្នុងមូលដ្ឋាន ។
សម្រាប់ទីតាំងផ្សេងៗមួយចំនួនទៀត (ខាងជើងប្រជុំជនវាលរេញ )ដូចជាទីតាំងលក់ទិញអេតចាយ ទីតាំងជួសជុលរថយន្ត គ្រឿងសំណង់ និងផ្សេងៗទៀតដែលប្រើប្រាស់ចំណីផ្លូវ រដ្ឋបាលស្រុកនឹងអនុត្តន៍ជាបន្តបន្ទាប់ទៀត ហើយសង្ឃឹមថា ពលរដ្ឋ អាជីវករទាំងនោះនឹងចូលរួមសហការដូចនៅទីប្រជុំជនវាលរេញដែរ ៕
ចែករំលែកព័តមាននេះ