រាជធានីភ្នំពេញ មានករណីឆេះផ្នែកខាងមុខនៃអាហារដ្ឋានប៊ូហ្វេ១កន្លែងនៅក្នុងកោះពេជ្រ ផ្អើលដល់មន្ត្រីជំនាញចេញរថយន្តពន្លត់អគ្គិភ័យ២គ្រឿងបាញ់ពន្លត់ទាន់ពេលវេលា កាលពីវេលាម៉ោង១រំលងអធ្រាត្រ ឈានចូលថ្ងៃទី៩ ខែកក្កដា ឆ្នាំ២០២៥ នៅហាងប៊ូហ្វេ យីហោ កាកា…
រាជធានីភ្នំពេញ មានករណីឆេះផ្នែកខាងមុខនៃអាហារដ្ឋានប៊ូហ្វេ១កន្លែងនៅក្នុងកោះពេជ្រ ផ្អើលដល់មន្ត្រីជំនាញចេញរថយន្តពន្លត់អគ្គិភ័យ២គ្រឿងបាញ់ពន្លត់ទាន់ពេលវេលា កាលពីវេលាម៉ោង១រំលងអធ្រាត្រ ឈានចូលថ្ងៃទី៩ ខែកក្កដា ឆ្នាំ២០២៥ នៅហាងប៊ូហ្វេ យីហោ កាកា សុគី ស្ថិតនៅក្នុងកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញមានផ្សែងហ៊ុយចេញពីពិដាន ផ្នែកខាងមុខនៃហាងលក់ប៊ូហ្វេខាងលើ បន្ទាប់មកក៏កើតចេញជាអណ្តាតភ្លើងធ្វើអោយអ្នកឃើញហេតុការណ៍នាំគ្នាទាក់ទងទៅសន្តិសុខកោះពេជ្រភ្លាមៗ ដើម្បីសុំការអន្តរាគមន៍ បានទាក់ទងទៅផ្នែកខាងរថយន្តពន្លត់អគ្គិភ័យដែលប្រចាំការនៅក្នុងកោះពេជ្រ ចំនួន២គ្រឿង បានធ្វើដំណើរមកកាន់ទីតាំងកើតហេតុបាញ់ពន្លត់ទាន់ពេលវេលា មិនអោយមានការរាលដាលធំជាងនេះ ។
មន្ត្រីជំនាញបានប្រើប្រាស់រថយន្តពន្លត់អគ្គិភ័យ២គ្រឿង បាញ់ទឹកអស់១គ្រឿង គ្រប់គ្រងបានទាំងស្រុង មិនមានមនុស្សរងរបួសនៅក្នុងហេតុការណ៍នេះនោះទេ ។ ចំពោះមូលហេតុនៃការឆាបឆេះ អាចបណ្តាលមកពីការឆ្លងចរន្តអគ្គិសនី ៕
ចែករំលែកព័តមាននេះ