ប្រទេសថៃ ៖ ព្រះមហាក្សត្រថ្មីថៃ មហា វ៉ាជីរ៉ា ឡុងកន នឹងឡើងគ្រងរាជ្យផ្លូវការនាដើមខែឧសភា ក្នុងពិធីដ៏អធិកអធមរយៈពេល៣ថ្ងៃ ២ឆ្នាំកន្លះក្រោយពីព្រះបិតាព្រះអង្គ ភូមីបុលអាឌុលយ៉ាដេតចូលព្រះទិវង្គតមក។
ក្នុងសេចក្ដីប្រកាសមួយនាថ្ងៃទី១ ខែមករា ឆ្នាំ២០១៩ តាមទូរទស្សន៍ព្រះបរមរាជវាំងគូសបញ្ជាក់ថា ការឡើងគ្រងរាជ្យនឹងប្រព្រឹត្តទៅពីថ្ងៃទី៤ ដល់ថ្ងៃទី៦ ឧសភា សម្រាប់ពិធីមួយយោងតាមប្រពីណីហើយក៏នឹងផ្ដល់ក្ដីសប្បាយរីករាយដល់ប្រជាជនផងដែរ។
ព្រះមហាក្សត្រថ្មីថៃដែលមានព្រះបរមនាមថា ព្រះចៅរាមាទី១០ បានឡើងលើរាជ្យបល្លង្ក ក្រោយការចូលព្រះទិវង្កតរបស់ព្រះបិតា កាលពីខែតុលាឆ្នាំ២០១៦ ក្នុងព្រះជន្មាយុ៨៨ព្រះវស្សា៕
ចែករំលែកព័តមាននេះ