អ្នកនាំពាក្យបក្សកាន់អំណាចបង្ហាញ៧ចំណុច ធ្វើឲ្យលោក សម រង្ស៊ី កប់យោបល់
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សកាន់អំណាចលោក សុខ ឥសាន បានបង្ហាញ៧ចំណុចសំខាន់ដែលធ្វើឲ្យលោក សម រង្ស៊ី កប់យោបល់ក្នុងការតបតវិញ ។…
រាជធានីភ្នំពេញ ៖ អ្នកនាំពាក្យគណបក្សកាន់អំណាចលោក សុខ ឥសាន បានបង្ហាញ៧ចំណុចសំខាន់ដែលធ្វើឲ្យលោក សម រង្ស៊ី កប់យោបល់ក្នុងការតបតវិញ ។…
រាជធានីភ្នំពេញ ៖ អ្នកនាំពាក្យគណបក្សកាន់អំណាចលោក សុខ ឥសាន បានបង្ហាញ៧ចំណុចសំខាន់ដែលធ្វើឲ្យលោក សម រង្ស៊ី កប់យោបល់ក្នុងការតបតវិញ ។
លោកសុខ ឥសាន បានឲ្យដឹងនៅថ្ងៃទី២៧ ធ្នូ យ៉ាងដូច្នេះថា ប្រយោគដែលធ្វើឲ្យទណ្ឌិត សម រង្ស៊ី កប់យោបល់មាន១ -អតីតបក្សប្រឆាំងដែលបានងាប់ទៅហើយមិនអាចរស់ឡើងវិញទេ ។ ២- អត់មានបោះឆ្នោតឡើងវិញមុនអាណត្តិទេ តែមានការបោះឆ្នោតជ្រើសតាំងតំណាងរាស្ត្រនៅឆ្នាំ២០២៣ ។ ៣- មេឃុំចៅសង្កាត់ដែលបានភ្ញាក់រលឹកទាន់ពេលវេលាស្របតាមច្បាប់វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់ ហើយបានចូលកាន់តំណែងនឹងបានបន្តការងារទៅទៀតបើមានការងារល្អ ។
ចំពោះអ្នកនៅមានសង្ឃឹមថា បានតំណែងមេឃុំ ចៅសង្កាត់ តាមការបោកបញ្ឆោតបស់ទណ្ឌិត សម រង្ស៊ី នោះកុំសង្ឃឹមអីអត់មានទេ ។ ៤ – នៅលើលោកនេះមិនដែលមានមនុស្សពីរនាក់ក្លាយទៅជាមនុស្សតែម្នាក់នោះទេ ។
ដូច្នេះទណ្ឌិត សម រង្ស៊ី និងកឹម សុខា ពិតជាមនុស្សពីរនាក់ដាច់ពីគ្នា ។ ៥ – អ្នកដែលបញ្ចេញមតិតាមសិទ្ធិសម្តែងមតិមិនមានទោសពៃអីទេ ។ តែចំពោះអ្នកដែលធ្វើសកម្មភាពប្រឆាំងនឹងសាលដីកាស្ថាពរ និងបិទផ្លូវតវ៉ារបស់តុលាការកំពូលទើបមានទោស ។ ៦- ក្រោយច្បាប់វិសោធនកម្មច្បាប់ស្តីពីគណបក្សនយោបាយត្រង់មាត្រា៤៥ស្ទួននោះចូលជាធរមានអ្នកដែលអត់បានធ្វើកម្មភាពប្រឆាំងនឹងសាលដីកាស្ថាពរ និងបិទផ្លូវតវ៉ារបស់តុលាការកំពូលនឹងអាចមានលទ្ធភាពទទួលបានសិទ្ធិធ្វើនយោបាយឡើងវិញ ។
ឯអ្នកប្រឆាំងនឹងសាលដីការបស់តុលាការកំពូលមិនអាចទេ ហើយត្រូវមានទោសថែមទៀត ។ ៧- បើទណ្ឌិត សម រង្ស៊ី ហ៊ានចូលស្រុកដូចថាមែន ខ្នោះនឹងនៅស្វាគមន៍ជានិច្ច ។ ការលើកឡើងរបស់អ្នកនាំពាក្យគណបក្សកាន់អំណាចនេះបន្ទាប់សម្តេច តេជោ ហ៊ុន សែន ប្រកាសជាសាធារណៈស្វាគមន៍ចំពោះលោកសម រង្ស៊ី ក្នុងការចូលស្រុកវិញ ប៉ុន្តែត្រៀមខ្នោះ និងគុកសម្រាប់ទទួលគ្រប់ពេលវេលា ៕
ចែករំលែកព័តមាននេះ