រាជធានីភ្នំពេញ ៖ យុវជន២នាក់បានរងរបួសធ្ងន់ ត្រូវបានបញ្ជូនទៅមន្ទីរពេទ្យ បន្ទាប់ពីពួកគេជិះម៉ូតូឌុបគ្នាក្នុងល្បឿនលឿន ជ្រុលទៅទាក់ដៃចង្កូតជាមួយម៉ូតូដឹករានទេវតា បណ្ដាលឲ្យដួលបោកទៅលើថ្នល់ពេញទំហឹង កាលពីវេលាម៉ោង១១និង៥៥នាទីព្រឹកថ្ងៃទី៨ កក្កដា នៅលើកំណាត់មហាវិថីសហព័ន្ធរុស្ស៊ី មុខផ្សារពោធិ៍ចិនតុង ស្ថិតក្នុងភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។
យុវជនរងគ្រោះទាំង២នាក់ ឈ្មោះផាន់ណា អាយុជាង២០ឆ្នាំ និងម្នាក់ទៀតឈ្មោះក្រង អាយុប្រហែល៣០ឆ្នាំ ពួកគេទាំង២នាក់មានលំនៅក្នុងភូមិដំណាក់ សង្កាត់ភ្នំេពេញថ្មី ខណ្ឌសែនសុខ ជិះម៉ូតូម៉ាកស៊ុយហ្សុ៊យគីស្មាសវី ពណ៌ខ្មៅ ពាក់ស្លាកលេខភ្នំពេញ 1AU-2471 ។ ចំណែកមូ៉តូមួយគ្រឿងទៀតម៉ាកសង់កូរ៉េសេ១០០ ពណ៌ក្រហម មិនស្គាល់ស្លាកលេខ ។
ប្រភពព័ត៌មានបានឲ្យដឹងថា មុនពេលកើតហេតុ ម៉ូតូទាំង២គ្រឿងបើកស្របទិសគ្នាពីកើតទៅលិច ដោយម៉ូតូសង់កូរ៉េដឹករានទេវតាបើកយឺតៗពីខាងមុខ ឯម៉ូតូស្មាសវីជិះគ្នា២នាក់ក្នុងល្បឿនលឿនទៅពីក្រោយ ។ លុះពេលមកដល់ចំណុចកើតហេតុ ម៉ូតូស្មាសវីបានទាក់ដៃចង្កូតជាមួយម៉ូតូសង់កូរ៉េបណ្ដាលឲ្យដួលប្រាវទាំងអស់គ្នា ។
ក្រោយពេលកើត យុវជនដែលជិះម៉ូតូស្មាសទាំង២នាក់រងរបួសបែកមុខមាត់បែកក្បាលធ្ងន់ត្រូវបានបញ្ជូនទៅមន្ទីរពេទ្យសង្គ្រោះបន្ទាន់ ចំណែកអ្នកបើកម៉ូតូសង់កូរ៉េមិនមានរងរបួសទេបានជិះម៉ូតូគេចខ្លួនបាត់ ៕
ចែករំលែកព័តមាននេះ