ខេត្តកណ្តាល៖ កម្មកររោងចក្រម្នាក់ បានស្លាប់ភ្លាមៗ បន្ទាប់ពីជិះម៉ូតូ សង្ស័យងងុយដេក រអិលដួលបោកក្បាលធ្លាក់ចូលទឹកប្រឡាយស្លាប់យ៉ាងរន្ធ.ត់ ។ ហេតុការណ៍គ្រោះថ្នាក់ចរាចរណ៍បង្កដោយខ្លួនឯងនេះបានកាលពីវេលាម៉ោង០៥ និង ១០នាទីព្រឹក…
ខេត្តកណ្តាល៖ កម្មកររោងចក្រម្នាក់ បានស្លាប់ភ្លាមៗ បន្ទាប់ពីជិះម៉ូតូ សង្ស័យងងុយដេក រអិលដួលបោកក្បាលធ្លាក់ចូលទឹកប្រឡាយស្លាប់យ៉ាងរន្ធ.ត់ ។ ហេតុការណ៍គ្រោះថ្នាក់ចរាចរណ៍បង្កដោយខ្លួនឯងនេះបានកាលពីវេលាម៉ោង០៥ និង ១០នាទីព្រឹក ថ្ងៃទី០៦ ខែមិថុនា ឆ្នាំ២០២៥ ស្ថិតក្នុងចំណុចផ្លូវបេតុង ភូមិក្រាំងឈើនាង ឃុំត្បែង ស្រុកកណ្ដាលស្ទឹង ខេត្តកណ្ដាល ។
បើយោងតាមប្រភពពីនគរបាលស្រុកកណ្តាលស្ទឹងបានឲ្យដឹង ថា មុនពេលកើតហេតុគេបានឃើញ ម៉ូតូម៉ាកឌ្រីមសេ១២៥ ពណ៍ខ្មៅ ពាក់ផ្លាកលេខ ភ្នំពេញ1HT-8450 បើកបរដោយឈ្មោះ ឃូច សុវណ្ណរាជ ភេទប្រុស អាយុ១៩ឆ្នាំ មុខរបរ កម្មកររោងចក្រមួយកន្លែង មានទីលំនៅបច្ចុប្បន្ន ភូមិអង្គខ្លើ ឃុំត្បែង ស្រុកកណ្ដាលស្ទឹង ខេត្តកណ្ដាល បានបើកបរក្នុងល្បឿនលឿន ទិសដៅពីជើងទៅត្បូង លុះពេលមកដល់ចំណុចកើតហេតុខាងលើ ស្រាប់តែជិះរ៉េចង្កូតរអិលដួលបោកក្បាល ធ្លាក់ចូលក្នុងទឹកប្រទ្បាយស្លាប់យ៉ាងរន្ធត់ភ្លាមៗនៅកន្លែងកើតហេតុ ។
បច្ចុប្បន្នសពត្រូវនគរបាលជំនាញនគរបាលស្រុកកណ្ដាលស្ទឹង ប្រគល់ឲ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណី ចំណែកឯម៉ូតូសមត្ថកិច្ចធ្វើការវាស់វែងយកទៅរក្សាទុករង់ចាំក្រុមគ្រួសារមកទទួលយកវិញ ៕
ចែករំលែកព័តមាននេះ