ខេត្តកណ្តាល ៖ យ៉ាងហោចណាស់ មនុស្សម្នាក់បានស្លាប់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងរថយន្តបុកគ្នា បានកើតឡើងកាលពីវេលាម៉ោង១០និង៥នាទីយប់ថ្ងៃទី២២ ខែធ្នូ ឆ្នាំ២០១៨ នៅចំណុចផ្លូវលេខ២១…
ខេត្តកណ្តាល ៖ យ៉ាងហោចណាស់ មនុស្សម្នាក់បានស្លាប់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងរថយន្តបុកគ្នា បានកើតឡើងកាលពីវេលាម៉ោង១០និង៥នាទីយប់ថ្ងៃទី២២ ខែធ្នូ ឆ្នាំ២០១៨ នៅចំណុចផ្លូវលេខ២១ ភូមិត្រពាំងឈូក ឃុំព្រែកគយ ស្រុកស្អាង ខេត្តកណ្ដាល ។
ភាគីរថយន្តមួយគ្រឿង ម៉ាកហ៊ីយ៉ាន់ដាយ ពណ៌ស គ្មានស្លាកលេខ អ្នកបើកបរមិនស្គាល់អត្តសញ្ញាណ (រត់គេចខ្លួនបាត់) ចំណែកភាគីខាងម៉ូតូមួយគ្រឿងម៉ាកហុងដា ធុនសេ១២៥ ពណ៍ខ្មៅ ស៊េរីឆ្នាំ២០១៤ ពាក់ផ្លាកលេខ ភ្នំពេញ ១CM-២០៦៣ បើកបរដោយឈ្មោះគង់ មិនា ភេទប្រុស អាយុ៣១ឆ្នាំ មុខរបរកសិករ មានទីលំនៅភូមិរកា ឃុំស្នោ ស្រុកព្រៃកប្បាស់ ខេត្តតាកែវ (ស្លាប់នៅនិងកន្លែងកើតហេតុ) និងអ្នករួមដំណើរម្នាក់ឈ្មោះ ស្នា ភេទប្រុស អាយុ២៧ឆ្នាំរបួសធ្ងន់ ។
សាក្សីបានអោយដឹងថា នៅមុខពេលកើតហេតុ មានរថយន្តមួយគ្រឿង ម៉ាកហ៊ីយ៉ាន់ដាយ ពណ៌ស បានធ្វើដំណើរពីជើងមកត្បូង លុះពេលមកដល់ចំណុចកើតហេតុក៏បានបុកគ្នាពេញទំហឹងជាមួយម៉ូតូមួយគ្រឿងជិះគ្នា២នាក់ បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ ចំណែកអ្នករួមដំណើរម្នាក់បានរងរបួសធ្ងន់ រីឯអ្នកបើកបររថយន្តបានរត់គេចខ្លួនបាត់ ។
ក្រោយកើតហេតុ សពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី រីឯវត្ថុតាងទាំងពីរបានយកមករក្សាទុកនៅអធិការដ្ឋាន នគរបាលស្រុកស្អាង ដើម្បីកសាងសំណុំរឿងទៅតាមនីតិវិធីនៃច្បាប់ ។
តាមការសន្និដ្ឋានរបស់សមត្ថកិច្ចបានឱ្យដឹងថា ករណីខាងលើនេះបង្កឡើងដោយអ្នកបើកបរម៉ូតូបើកមិនប្រកាន់ស្ដាំ ចំណែករថយន្តបើកក្នុងល្បឿនលឿន ខ្វះការប្រុងប្រយ័ត្ន ទើបបង្កអោយមានគ្រោះថ្នាក់ចរា
ចរណ៍បែបនេះកើតឡើង ៕
ចែករំលែកព័តមាននេះ