ឈ្នះ Ballon d’Or មិនទាន់បានប៉ុន្មានផង Modric រិះគន់ Messi និង Ronaldo បាត់
តាមប្រភពព័ត៌មាន The Star បានឲ្យដឹងថា ម្ចាស់ពាន Ballon d’Or ឆ្នាំ២០១៨ Luka Modric…
តាមប្រភពព័ត៌មាន The Star បានឲ្យដឹងថា ម្ចាស់ពាន Ballon d’Or ឆ្នាំ២០១៨ Luka Modric បានរិះគន់លើកីឡាករ Cristiano Ronaldo និង Lionel Messi សម្រាប់ការមិនចូលរួមក្នុងពិធីប្រគល់ពាននៅក្នុងខែនេះ ដែលមានសាម៉ីខ្លួន Modric ជាអ្នកឈ្នះ ។
កាពីទែនរបស់ក្រុមក្រូអាតរូបនេះ ដែលបានយកឈ្នះលើ Messi និង Ronaldo យកពាន Ballon d’Or បានសម្រេច បាននិយាយនៅក្នុងបទសម្ភាសន៍នៅថ្ងៃសៅរ៍ ស្តីអំពីអវត្តមានរបស់កីឡាករទាំងពីរនៅទីក្រុងប៉ារីស ប្រទេសបារាំង ។
Modric និយាយប្រាប់កាសែត Sportske Novosti ថា ៖«ខ្ញុំមិនអាចនិយាយអំពីនរណាម្នាក់ដែលសម្រេចចិត្តថាមិនមកចូលរួមកម្មវិធី ព្រោះនេះគឺជាការសម្រេចចិត្តរបស់ពួកគេ។ វាដូចជាមិនសមសោះ ព្រោះវាហាក់បីដូចជាការបោះឆ្នោត និង ពាន គឺសំខាន់នៅពេលណា ទាល់តែពួកគេឈ្នះប៉ុណ្ណោះ។ វាពិតជាមិនស្មើភាពទេ សម្រាប់កីឡាករផ្សេងទៀត និង អ្នកបោះឆ្នោត ដែលបានបោះឲ្យពួកគេជាប់អស់រយៈពេល១០ឆ្នាំ។ តែវាជារឿងរបស់ពួកគេ» ៕
ចែករំលែកព័តមាននេះ