រាជធានីភ្នំពេញ ៖ ដើម្បីលើកកម្ពស់ និងបណ្តុះបណ្តាលដល់អ្នកស្រាវជ្រាវនៅកម្ពុជាគ្រឹះ ស្ថានឧត្តមសិក្សាសហការជាមួយក្រសួងចំនួនពីរ បានបង្កើតមជ្ឈមណ្ឌលស្រាវជ្រាវផ្នែកមនុ ស្សសាស្ត្រ និងវិទ្យាសាស្ត្រសង្គមថ្នាក់ឧត្តមសិក្សា ។ ការបង្កើតមជ្ឍមណ្ឌលនេះត្រូវបានលោកបណ្ឌិតសភា…
រាជធានីភ្នំពេញ ៖ ដើម្បីលើកកម្ពស់ និងបណ្តុះបណ្តាលដល់អ្នកស្រាវជ្រាវនៅកម្ពុជាគ្រឹះ ស្ថានឧត្តមសិក្សាសហការជាមួយក្រសួងចំនួនពីរ បានបង្កើតមជ្ឈមណ្ឌលស្រាវជ្រាវផ្នែកមនុ ស្សសាស្ត្រ និងវិទ្យាសាស្ត្រសង្គមថ្នាក់ឧត្តមសិក្សា ។
ការបង្កើតមជ្ឍមណ្ឌលនេះត្រូវបានលោកបណ្ឌិតសភា ចារ្យ ហង់ជូនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឲ្យដឹងក្រោយពិធីចុះហត្ថលេខា កាលពីរសៀលថ្ងៃទី១៧ ធ្នូ ឆ្នាំ ២០១៨ យ៉ាងដូច្នេះថា មជ្ឈមណ្ឌលស្រាវជ្រាវនេះ ដើម្បីចូលរួមលើកម្ពស់ដល់អ្នកស្រាវជ្រាវ ពាក់ព័ន្ធនឹងរឿងប្រវត្តិសាស្ត្រ ប្រវត្តិសិល្បៈខ្មែរ សង្គមវិទ្យាក៏ដូចជា វិទ្យាសាស្ត្រផ្សេងៗទៀត ។ លោករដ្ឋមន្ត្រីបានបន្តថា មជ្ឈមណ្ឌលនេះនឹងធ្វើការបណ្តុះបណ្តាលដល់ឧត្តមសិក្សាថ្នាក់អនុបណ្ឌិត និងបណ្ឌិតផងដែរដែលសិក្សាលើមុខវិជ្ជាសង្គម ។
លោករដ្ឋមន្ត្រីបានបញ្ជាក់ថា «កន្លងមកនេះយើងបានវិនិយោគច្រើនខាងផ្នែកវិទ្យាសាស្ត្រអីញ្ចឹងយើងមានការបង្កើតអាគាវិទ្យាសាស្ត្រថ្មី នៅសាលវិទ្យាល័យភូមិន្ទភ្នំពេញ អគារវិទ្យាសាស្ត្រថ្មីនៅវិទ្យាស្ថានបច្ចេកវិទ្យាកម្ពុជាក៏ដូចជា ការវិនិយោគក្នុងគម្រោងផ្សេងៗទៅលើបន្ទប់ពិសោធន៍ទៅលើអគារខាងផ្នែកវិទ្យាសាស្ត្រ និងវិស្វកម្ម ជាដើម ។ ទន្ទឹមនឹងនេះយើងក៏ត្រូវការអ្នកឯកទេសខាងផ្នែកវិទ្យាសាស្ត្រសង្គមមានដូចជា អក្សរសិល្ប៍ ភាសា ប្រវត្តិសាស្ត្រភូមិវិទ្យាទស្សនវិជ្ជាដែលផ្តល់ជាសញ្ញាណវិជ្ជមានមួយក្នុងការលើកម្ពស់អត្ដសញ្ញាណជាតិ វប្បធម៌ជាតិជាដើម» ។
ជាមួយលោករដ្ឋមន្ត្រីបានបន្ថែមថា កម្ពុជានៅមិនទាន់មានអ្នកស្រាវជ្រាវច្រើនដែរ នេះអាចជាឱកាសមួយលើកទឹកចិត្តឲ្យសិស្សយើងមិនត្រឹមតែរៀនផ្នែកវិទ្យាសាស្ត្រសង្គមឲ្យមានគុណភាព ហើយបន្តការសិក្សាទៀតទាំងនៅក្នុងស្រុក និងក្រៅប្រទេស ។ លោកបណ្ឌិតសភាចារ្យហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា បានលើកឡើងថាកិច្ចព្រមព្រៀងដ៏មានសារៈសំខាន់មួយនេះនឹងក្លាយទៅគោលការណ៍សម្រាប់បង្កើតមជ្ឈមណ្ឌលស្រាវជ្រាវ ។
ការចុះហត្ថលេខាលើកិច្ចព្រមព្រៀងនេះ គឺជាព្រឹត្តការណ៍មួយដែលអនុញ្ញាតឱ្យភាគីពាក់ព័ន្ធបង្ហាញពីជំហរឆន្ទៈរបស់ខ្លួនក្នុងការចូលរួមសហប្រតិបត្តិការគ្នាដែលសបញ្ជាក់ឱ្យឃើញថា មជ្ឍមណ្ឌលនឹងមានដំណើរការល្អក្នុងពេលអនាគត ។ បើតាមលោករដ្ឋមន្ត្រីបានឲ្យដឹងថា មជ្ឍមណ្ឌលនេះនឹងចាប់ផ្តើមដំណើរបន្ទាប់ពីចុះហត្ថលេខាតទៅ ហើយមជ្ឃមណ្ឌលនេះក៏ស្ថិតក្រោមការផ្តល់ជំនួយពីសហគមអ៊ឺរ៉ុបមួយចំនួនជាមួ យរាជរដ្ឋាភិបាលកម្ពុជាផងដែរ ។
ចំណែកលោកស្រី ភឿន សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈបានលើកឡើងថាការចុះហត្ថលេខានេះពិតជាមានសារៈសំខាន់ទោះបីជាឧត្តមសិក្សាសាស្ត្រស្ថិតនៅក្រោម ក្រសួងផ្សេងគ្នាក្តី ប៉ុន្តែអាចធ្វើការនៅក្នុងប្រធានបទតែមួយ ។ លោកស្រីបន្តថា ក្នុងសង្គមមួយអាចរីកចម្រើនបានទាល់វិទ្យាសាស្ត្រពីរដើរទន្ទឹមគ្នា គឺវិទ្យាសាស្ត្រពិត និងវិទ្យាសាស្ត្រសង្គម ។ មជ្ឍមណ្ឌលនេះនឹងធ្វើការសិក្សាលើកប្រធានបទផ្សេងគ្នាផងដែរ ។ ប៉ុន្តែយើងក៏ត្រូវបណ្តុះបណ្តាលធនធានមនុស្សផងដែរ ៕
ចែករំលែកព័តមាននេះ