មនុស្សជិត១លាននាក់បានខ្ចីលុយពីធនាគារ និងមីក្រូហិរញ្ញវត្ថុ ដើម្បីរកស៊ីខ្នាតតូច និងមធ្យម ដោយតំណាងអោយជិត៤០ភាគរយនៃកម្ចីទាំងអស់ ។ យោងតាមលិខិតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា…
មនុស្សជិត១លាននាក់បានខ្ចីលុយពីធនាគារ និងមីក្រូហិរញ្ញវត្ថុ ដើម្បីរកស៊ីខ្នាតតូច និងមធ្យម ដោយតំណាងអោយជិត៤០ភាគរយនៃកម្ចីទាំងអស់ ។
យោងតាមលិខិតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលផ្សាយតាមហ្វេសប៊ុកផេកផ្លូវការ នាថ្ងៃទី២៦ ខែមិថុនានេះ បានអោយដឹងថា មានកម្ចីជាសហគ្រាសធនតូច និងមធ្យមចំនួនជាង ៨២ម៉ឺននាក់ ហើយមានតម្លៃជាទឹកប្រាក់ចំនួន៨៥៣៣០ ពាន់លានរៀល ឬស្មើនឹងជាង ៣៦ភាគរយនៃឥណទានសរុប ។
នៅក្នុងលិខិតនោះ សម្តេចក៏បានបង្ហាញពីឆន្ទៈរបស់រាជរដ្ឋាភិបាល នៅក្នុងការជួយជ្រោមជ្រែងដល់សហគ្រាសធន់តូច និងមធ្យមនៅកម្ពុជាអោយកាន់តែមានការរីកចម្រើន ដើម្បីចូលរួមចំណែកដល់កំណើនសេដ្ឋកិច្ចជាតិ ។
សម្តេចក៏បានណែនាំដល់សហគ្រាសធន់តូច និងមធ្យម អោយក្តាប់យកឱកាសនៃការប្រែក្លាយប្រទេសកម្ពុជាអោយចាកចេញពីប្រទេសមានការអភិវឌ្ឍតិចតួច ត្រឹមបំណាច់ឆ្នាំ២០២៩ខាងមុខនេះ ហើយមិនត្រូវមានការព្រួយបារម្ភ ឬការភ័យខ្លាចឡើយ ៕
ចែករំលែកព័តមាននេះ